PNA - تائێستا 52 ههزار گهشتیار له ناوچهكانی ناوهڕاست و باشووری عێراق، سهردانی ههولێری پایتهختی ههرێمی كوردستانیان كردووه، قهرهباڵغی به جۆرێكه هۆتێلهكان پڕبوونه و خێمه بهسهر گهشتیاران دابهش كراوه.
عهمیدی مافپهروهر ( عهبدولخالق تهڵعهت) بهڕێوهبهری پۆلیسی ههولێر، له لێدوانێكی تایبهت به (ئاژانسی ههواڵی پهیامنێر)ی راگهیاند؛ له رۆژانی جهژنی رهمهزانی پیرۆزدا، تائێستا 52 ههزار گهشتیار له ناوچهكانی ناوهڕاست و باشووری عێراق، له ڕێگهی كهركوك و موسڵهوه، سهردانی ههولێریان كردووه.
( عهبدولخالق تهڵعهت) وتیشی: قهرهباڵغیهكی زۆر دروست بووه، هۆتلهكان پڕبوونه، ههربۆیه ئێوارهی دوێنێ پارێزگای ههولێر به هاوكاری لهگهڵ بهڕێوهبهرایهتی گهشت و گوزار، كۆمهڵێك خێمهی زۆریان له شهقڵاوه دابهش كردووه، تاوهكو گهشتیاران شهو تیایدابمێنێتهوه.
ههروهها ئاماژهی بهوهشكرد، ژمارهیهك لهو گهشتیارانهش بهسهر پاركهكان دابهش كراون.
]]>