PNA- گهنجێكی فڕۆكهوانی درۆیین، خهڵكی شاری شیراز ، بهبیانووی دامهزراندنی سكرتێرهیهك بۆ فڕۆكهخانه لهههوڵ دا بوو كچانی گهنج بخاته داو و بۆ ئامانجه ناڕوونهكانی خۆی بهكاریان بێنێت، كهپاش ناسینی دهستبهسهر كرا.
بهگوێرهی رۆژنامهی "جمهوری ئیسلامی"، كهسێك بهناوونیشانی پیشهی ئهندازیار، فڕۆكهوان، بهرپرسی كاروباری فڕین، سهرپهرستی فڕۆكهوانهكان و...، دهستی به چاپ و بڵاوكردنهوهی برۆشۆر كردبوو، تێیدا داوای لهژنان و كچانی ژێر تهمهنی 25 ساڵ كردبوو به بیانووی دامهزراندنی سكرتێره و كار لهفڕۆكهخانهدا پێوهندی پێوه بكهن.
پاش گومان لێ كران و تاوتوێ كردنی كارو ئامانجهكانی، لهلایهن پۆلیسهوه كهوته ژێر چاوهدێری و هێزهكانی پۆلیسهوه دهستبهسهر كرا. تاوانباری 26ساڵ تهمهن، یاریدهدهری دیوی عهمهلیاتی جهڕاحییه، گوتوویهتی:"پاش بڵاوكردنهوهی برۆشۆرهكان 1500كهس پهیوهندییان پێوه كردووم و لهگهڵ هێندێكیان دا لهپاركهكان و ماڵی خۆیان دیدارم ههبووه.
پاش لێكۆڵینهوهكان پۆلیس بۆی دهركهوت كه ئهو گهنجه مهبهستی لهو كاره كهڵكی خراپ وهرگرتن لهپهیوهندی لهگهڵ ئهواندا بووه.