بزانی ئاخۆ لەم گشت ڕەئیسە
كامیان شییاوەو كامیان نەگریسە؟

هههههههههههههههههههههههههه
ئه‌بێ کامیان که‌مه‌ک شیاو بێ
ماندوونه‌بیت ده‌سته‌کانت خۆش لاپه‌ڕه‌ی سپی برام

لە ڕۆژهەڵاتی ناوەڕاستەوە
لەوڵاتی پڕ باس و خواستەوە
لەكاولترین مەملەكەتەوە
لە خەڵكانێكی بێتاقەتەوە
نامە دەنوسین بەدڵ شكاوی
بە چاوەڕوانی و بە حەپەساوی
بە سورعەت بڕوا بەتەقلەو بەغار
هەتا ئەڵمانیای بێ شوراو دیوار
ڕێزو سڵاومان بەتاك و بەجوت
بۆ عالی جەناب میستەر ئەختەبوت
بەدڵ و بەگیان بەجوانترین هەست
دەستت دەگوشین بەدە دوانزە دەست
چونكە دەستی تۆ عەینەن درەختە
وڵاتەكەیشت بەشانس و به‌ بەختە
ئاگامان لێبو كاتی یاری یەكان
لەسەرکەوتن و شەرمەزارییەكان
پێشبینیەكانت ڕاست و ڕەوان بوو
مایەی سەرسامی هەموو جیهان بوو
جا بۆیە ئێمەش داوات لێدەكەین
دیارە متمانەو سیقەت پێ دەكەین
تكامان وایە بێ عوتڵە و عەتەڵ
تەشریفت بێنی بۆ خاكی مەتەڵ
سەری سندوقێك هەڵبدەیتەوە
بەختێك بۆ ئێمەش تاقی كەیتەوە
بزانی ئاخۆ لەم گشت ڕەئیسە
كامیان شییاوەو كامیان نەگریسە؟
لەم هەموو كوتلە كامیان زۆرباشە
كێ كۆنە بەعسی و كێ كۆنە جاشە؟
سەرۆك وەزیران نایەتە پێشێ
مەگەر ئەختەبوت پەلیک راکێشێ
باقی وەسەلام مەیخە بەیانی
تاقەتمان نەما لە چاوەڕوانی!!