پیرۆزه‌ هه‌زار جار پیرۆزه‌ له‌ریال هیوادارم سه‌ركه‌وتنی تریشی به‌دووابیت

سه‌ره‌تا یانه‌ی ڕیاڵ مه‌درید به‌ ئاستێکی به‌رز ده‌ستیان به‌ یاری کرد و له‌ خوله‌کی 10 گۆنزالۆ هیگواین گۆڵی یه‌که‌می تۆمار کرد ، وه‌ دوای تێپه‌ڕبوونی5 خوله‌ک به‌ تۆپێکی جوانی هیگواین یاریزانی به‌توانا کریستیانۆ ڕۆناڵدۆ یانه‌که‌ی کرده‌ خاوه‌نی گۆڵی دووه‌م .

دواتر هه‌مان یاریزان واته‌ ڕۆناڵدۆ له‌ خوله‌کی 27 به‌ تۆمارکردنی گۆڵی سێیه‌م ووره‌ی یاریزانانی یانه‌ی ڕاسینگ ـی ڕووخاندو کۆتایی به‌ نیوه‌ی یه‌که‌می یاریه‌که‌ هێنا .

نیوه‌ی دووه‌می یاریه‌که‌ ده‌ستی پێکردوو ئه‌ستێره‌ی یاریه‌که‌ کریستیانۆ رۆناڵدۆ به‌ تۆمارکردنی هاتریک له‌ خوله‌کی 48  کۆی گۆڵه‌کانی یانه‌که‌ی کرده‌ چوار گۆڵ  ، هه‌وڵه‌کانی یانه‌ی مه‌درید درێژه‌ی هه‌بوو له‌ خوله‌کی 55 ڕۆناڵدۆ توانی له‌ڕێی لێدانی سزاوه‌ سوپه‌ر هاتریک تۆمار بکات و ڕیزبه‌ندی گۆڵکه‌رانی به‌ تۆمارکردنی 10 گۆڵ له‌ لیۆنێل مێسی وه‌رگرت.

یانه‌ی لۆس بلانکۆس به‌م ئه‌نجامه‌ ڕازی نه‌بوو ، مه‌سعوت ئۆزیل به‌ شێوازێکی ته‌کنیکی و به‌ لێهاتووی خۆی توانی کۆی گۆڵه‌کانی یانه‌که‌ی بکاته‌ نیو ده‌رزه‌ن کاتێک که‌ له‌ خوله‌کی 66 گۆڵی شه‌شه‌می تۆمار کرد ، دواتر یانه‌ی میوان توانی گۆڵێک له‌ خوله‌کی 74 له‌ڕێگه‌ی پاپی کۆلی دیۆپ تۆمار بکات .

به‌م ئه‌نجامه‌ش ڕیاڵ مه‌درید به‌ کۆکردنه‌وه‌ی 20 خاڵ خۆی گه‌یانده‌ پله‌ی یه‌که‌می ڕیزبه‌ندی.

ياريگا