خانه‌ى جولیان بۆ مه‌زادكردن ڕایگه‌یاند ، كه‌وا دوو كراسی خانمه‌ شاژنى كۆچكردوو دیانا له‌ مه‌زادێكدا له‌ بیفرلى هیلز به‌ به‌هاى 276 هه‌زار دۆلار فروشران .

ئه‌م دوو كراسه‌ له‌لایه‌ن كاسرین ووكر دووراون ، كه‌ یه‌كێك بوو له‌ به‌رگ دووروه‌كانى دیانا ، ئه‌مه‌ش له‌كاتى پێكهێنانى ژیانى هاوسه‌رى له‌گه‌ل شازاده‌ چارلز له‌ ساڵی 1981 ئاماده‌كراون .

كراسی یه‌كه‌م له‌ قوماشی كریبی ڕه‌ش و له‌سه‌ر شێوه‌ى هیندى دروستكراوه‌ ، وه‌ له‌كاتى گه‌شته‌ فه‌رمیه‌كه‌یدا له‌گه‌ل هاوسه‌ره‌كه‌ى بۆ ولاتى هیند له‌ ساڵی 1992 له‌به‌رى كردبوو ، به‌ به‌هاى 114 هه‌زار دۆلار فروشرا .

هه‌روه‌ها كراسی دووه‌م كه‌ له‌كاتى ڤیستیڤالى سیینه‌مای كان له‌ ساڵی 1987 له‌به‌رى كردبوو ، به‌ به‌هاى 123 هه‌زار دۆلارى ئه‌مریكى فروشرا .

به‌رێوه‌به‌رى خانه‌ى دارین جولیان ده‌لێت" كڕیاره‌كان له‌سه‌رانسه‌رى جیهاندا به‌شداریان له‌م مه‌زاده‌دا كردووه‌ ، وه‌ ئه‌م دوو كراسه‌ى دیانا له‌وانه‌یه‌ بگوازرێنه‌وه‌ بۆ مۆزه‌خانه‌یه‌ك .

جێی باسه‌ له‌گه‌ل نمایشكردنى ئه‌م دوو كراسه‌دا ژماره‌یه‌ك كه‌ل و په‌لى كه‌سایه‌تى و ئه‌ستێره‌كانى هۆلیوود ، له‌وانه‌ش په‌یكه‌رى مارلین دیتریچ و گلوریا سوانسون و مارلین مۆنرو فروشران .