وه‌ڵام: چـــاكـــه‌ نـــابـــیـــنـــم

null@example.com (K O S R A T) — Tue, 05 Jul 2011 16:09:25 +0000

من بوية حةزم له شيعره كانى حافزه جونكه تام و جيزى تايبه تيم بي دة به خشن

null@example.com (Jaw Zard) — Tue, 05 Jul 2011 14:36:17 +0000

هۆنراوەیەکی جوانە ،دەستی تۆو نووسەریش بەردەوامبێ

null@example.com (سه‌هه‌ند) — Tue, 05 Jul 2011 13:07:13 +0000

شیعرێکی زۆر جوانه‌ ، ده‌ستی تۆ و وه‌رگێریش خۆش بێت.

چـــاكـــه‌ نـــابـــیـــنـــم

null@example.com (K O S R A T) — Tue, 05 Jul 2011 12:47:52 +0000

چاكه‌ نابینم

حافزی شیرازی

چاكه‌ نابینم له‌ كه‌سدا، چاكه‌كاران بوونه‌چی؟
بۆ نه‌ما دۆستایه‌تی، هاواڵ و یاران بوونه‌چی؟

لێڵ بوو سه‌رچاوه‌ی ژیان كوا خدری زینده‌ی خۆشقه‌ده‌م
خوێن تكا تك تك له‌ گوڵ، هه‌وری به‌هاران بوونه‌چی؟

سه‌دهه‌زاران خونچه‌ پشكووت و مه‌لێك ده‌نگی نه‌هات
عه‌نده‌لیبان چیان به‌ سه‌ر هات و هه‌زاران بوونه‌چی؟

ساڵه‌هایه‌، ده‌رنه‌چووه‌ له‌علێك له‌ كانگه‌ی پیاوه‌تی
تیشكی خۆر و هه‌وڵی با و هاتی باران بوونه‌چی؟

زوهره‌سازێك ناژه‌نێ خۆش، یانی سووتا عوده‌كه‌ی؟
نێتی هیچكه‌س هه‌ستی مه‌ستی مه‌یگوساران بوونه‌چی؟

هیچكه‌سێ ناڵێ كه‌ مافی دۆستی نابێ ون ببێ
چیان به‌رسه‌رهاتووه‌ ئه‌مه‌گناسان و یاران بوونه‌چی؟

شاری یاران بوو و جێگه‌ی مێهه‌ره‌بانان بوو وڵات
مێهره‌بانی كه‌ی به ‌سه‌رچوو، شاریاران بوونه‌چی؟

كه‌وتووه‌ له‌و نێوه‌دا، گۆی سه‌رفرازی و گه‌وره‌یی
نایه‌ته‌ مه‌یدانێ هیچكه‌س، شۆڕه‌سواران بوونه‌چی؟

حافز، ئه‌سراڕی خودایی كه‌س نییه‌ بیزانێ، وست!
كوانێ جێی پرسه‌ كه‌ ده‌وری ڕۆژگاران بوونه‌چی؟

وه‌رگێڕانه‌وه‌: هێرش