[size=16]ئەی دڵە شێتە دوورەکەم
ئەمشەو گۆرانیەکی جوان
تۆی هێناوە بۆ ژوورەکەم
وشەکانی زۆر ناسکن
وەکو لێوە تەڕەکانت
......مۆسیقایەکی لەگەڵە
جار جار لە ناکاو هەڵئەچێ
کت و مت وەک شەڕەکانت
ئێستا فێربووم هەر ئێوارەی
لەگەڵ گۆرانیەک ئەدوێم
بۆیە تۆمارگەکانی شار
یەک بە یەکیان بوون بە هاوڕێم
تۆ دنیای منت کردووە
بە گۆرانی و شیعر و بەستە
ئێستا تەنیا تۆ و گۆرانی
ژیانی منتان بەدەستە[/size]
[size=16]بە مەرجێک تۆ لە بیر ئەکەم
تۆش بیر لە من مەکەرەوە
ئەو شەوانەی کە گریاوم
فرمێسکەکانم بەرەوە
دڵم لە ناو دڵی خۆتدا بکوژێنەوە و
..ھەست مەکە بە گڕو تینی
ئەبێ بەڵێنم پێبدەیت
کە خەوم پێوە نەبینی
ھیچیش شیعرت بۆ نانوسم
ئامادەشم ئێستە بەڵێنت پێبدەم
بەڵام گەنجان رازی بکە
پێنوسەکەم فرێبدەم[/size]
[size=16]
ئەو کاتانەی دەست ئەبەم بۆ پەرداخێک ئاو
وەک ئینجانە دلی خۆمم دێتە بەرچاو
چونکە دڵم سیاسی دێ ئەیشکێنێت
ڕۆژنامە نوس لە ستونی دڵرەقیدا ناوی دێنێت
کەچی بەم ئازارەشەوە
......ھەمو بەری بەیانانێ
گوڵی شیعرێکی پەمەیی
لە ناویدا سەر دەردێنێ[/size]
[size=16]هەر کە ئەمەوێ بتبینم
هێندە بە حەسرەتەوە دێم
درەختەکانی ئەو ناوەش
ئێستا هەموو بوون بە هاوڕێم
تەنانەت بەیانیەکیان
......زۆری نەمابوو بتگەمێ
ویستم نامەیەکی ئاڵی
پڕ لە خۆشەویستیت بەمێ
بەڵام درەختێک پێی وتم
با پەشیمان نەبیتەوە
تۆ کوڕێکی پڕ لە ڕەنگی
مەهێڵە کاڵ ببیتەوە!!![/size]
[size=16]ماوەیەکە خەریکە غیرە ئەمکوژێت
غیرە لە تەنیاییش ئەکەم
ھێندە لە تەکتا ئەخەوێت
من دورم و ئەویش ھێندە
میھرەبانی باوەشی تۆی بەر ئەکەوێت
.........غیرە لەو بۆنەشت ئەکەم
کاتێ کە ئەیدەیت لە خۆت و
بۆنی سنگ و ملت ئەکا
تەنانەت غیرە لە خەویش
کە شەوانە لە باوەشیا شلت ئەکا
زۆر جار قەڵەملێوەکەشت
لەبەر چاوم زۆرزانانە ماچت ئەکات
بەدەستم بێ ئەیشکێنم
ھەست ئەکەم من تورە ئەکات
شیعری: ڕهنج سهنگاوی[/size]
]]>