یانهی ڕیاڵ مهدرید خهونی لهمێژینهی هێنایهدی و تواناکانی فابیۆ کوێنتراوی یاریزانی یانهی بهنفیکای پرتوگالی و ههڵبژاردهی پرتوگال بهدهست هێنا . ماڵپهری فهرمی یانهی شاهانه له بهیاننامهیهکدا ههواڵهکهی پشتڕاستکردهوه و ئهستێره پرتوگالییهکهی پێشکهش به هاندهرانی کرد .
لۆس گالاکتیکۆس ماوهیهکی زۆره له ههوڵی کڕینی ئهو یاریزانهدابوو ، بماوهیهک بوو هیچ پڕوپاگندهیهکی ئهوتۆ لهسهر گواستنهوهی نهدهبیسترا بهڵام ئهمڕۆ بهشێوهیهکی کتوپڕ مێرهنگی یاریزانهکهی کڕی و توانی شکست به ڕکابهرهکانی تر بهێنێت . کوێنتراو ئهمڕۆ پشکنینه پزیشیکییهکانی تێپهڕاند و بهرامبهر به 27 ملیۆن پاوهند گرێبهستێکی بۆ ماوهی شهش ساڵ لهگهڵ ڕیاڵ مهدرید واژۆکرد .
کوێنتراوی 23 ساڵ لهگهڵ یانهی ڕیۆ ئاڤی وهکو بهرگریکاری باڵهکانی دهستی به یاریکردن کرد و له تهمهنی 17 ساڵیدا یاری بۆ یانهی پلهی یهکی خولی پرتوگالی کردووه و له ساڵی 2007 گوێزرایهوه بۆ یانهی بهنفیکا . له ساڵی 2009 یهکهم یاری نێودهوڵهتی بۆ ههڵبژاردهی پرتوگال ئهنجامدا و تا ئێستا 15 یاری نێودهوڵهتی ههیه .
مهدرید دهیهوێت درێژه به گرێبهسته سهرکهووتووهکانی بدات لهگهڵ یاریزانه پرتوگالییهکان ، دوای ئهو سهرکهوتنه گهورهیهی له کڕینی ههریهکه له پیپی و کریستیانۆ رۆناڵدۆ و کارڤالیۆ بهدهستی هێنا .
بهمهش ناوبراو بووه پێنجهم یاریزانی تازهی یانهی شاهانه دوابهدوای ههریهکه له نوری شاهین و کالیخۆن و ههمیت ئاڵتنتۆپ و ڤاران.
yariga.net
]]>