دادوه‌ر له‌ دادگای هه‌رێمی ناوبراو له‌ لێدوانێکدا بۆ که‌ناڵه‌کانی راگه‌یاندن ئاشکرایکرد: تاوانبار مایکل لایوانت. که‌ له‌ساڵی 2006 ه‌وه‌ به‌ تۆمه‌تی به‌شداریکردنی له‌گه‌ڵ گروپێکی بازرگانیی ماده‌ سڕکه‌ره‌کان زیندانیکراوه‌، به‌ڵام ئێستا به‌هۆی زیادبوونی کێشی له‌شی (205 کیلۆگرام) و نه‌بوونی شوێنی گونجاو له‌ ناو زینداندا باری ته‌ندروستی زۆر خراپه‌، له‌به‌ر ئه‌وه‌ مایکل مافی ئه‌وه‌ی هه‌یه‌ ئازاد بکرێت و له‌جێگاو نوێنێکی فراواندا ژیان به‌سه‌رببات.

لێپرسراوانی هه‌رێمه‌که‌ پێیان وایه‌ مایکل پاش 3 ساڵ زیندانی چیتر ناتوانێت له‌ناو زیندان گوزه‌ران بکات، پێویسته‌ شوێن و کورسی تایبه‌تی بۆ دابین بکرێت، مایکل لایوانت پاش ئه‌و بڕیاره‌ له‌ وته‌یه‌کدا دانی به‌تاوانه‌که‌ی خۆی ناو وتی: کاتی خۆی کارێکی به‌دڕه‌وشتم ئه‌نجامداوه‌ به‌ڵام باجه‌که‌یم دا، ئێستا ئاره‌زووی ژیانێکی نوێ ده‌که‌م.

دادوه‌ری دادگای کوێبیک رایگه‌یاند مایکل جگه‌ له‌ گرفتی کێشه‌که‌ی به‌پێی راپۆرتی پۆلیس هه‌ڵسوکه‌وت و مامه‌ڵه‌ی له‌ناو زینداندا باش بووه‌ و ئه‌و تاوانه‌ی کاتی خۆی ئه‌نجامیداوه‌ تاوانی توندوتیژی نه‌بووه‌ و له‌ ژیانیدا سوودی بۆ دایک و هاوسه‌ره‌که‌ی هه‌بووه‌، هه‌روه‌ها مایکل به‌ڵێنی داوه‌ ئه‌و کاره‌ دووباره‌ نه‌کاته‌وه‌ بۆیه‌ ئازاد ده‌کرێت و ده‌گه‌ڕێته‌وه‌ ناو خێزانه‌که‌ی .