جێی باسه‌، له‌ قۆناغی سێیه‌م هه‌ڵبژارده‌ سه‌ركه‌وتووه‌كان به‌سه‌ر چوار ئاستدا دابه‌ش ده‌كرێن، هه‌ر ئاستێك پێنج هه‌ڵبژارده‌، له‌گه‌ڵ هه‌ڵبژارده‌كانی ژاپۆن و كۆریای باوور و كۆریای باكوور و ئوسترالیا و به‌حره‌ین ده‌بنه‌ 20 هه‌ڵبژارده‌ و به‌سه‌ر پێنج گرووپدا دابه‌ش ده‌كرێن، هه‌ر گرووپێك 4 هه‌ڵبژارده‌.

یارییه‌كانی گرووپه‌كان به‌شێوه‌ی خوا (هاتن و چوون) ئه‌نجام ده‌درێ و یه‌كه‌م و دووه‌می گرووپه‌كان سه‌رده‌كه‌ون بۆ قۆناغی چواره‌م، واته‌ 10 هه‌ڵبژارده‌، هه‌ڵبژارده‌كانی قۆناغی چواره‌م كه‌ به‌ كۆتاییه‌كان ده‌ژمێردرێ و به‌ سیسته‌می خوی (هاتن و چوون) به‌رِێوه‌ده‌چێ، دابه‌ش ده‌كرێنه‌ سه‌ر دوو گرووپ، هه‌ر گرووپ و پێنج هه‌ڵبژارده‌، یه‌كه‌م و دووه‌می هه‌ردوو گرووپ راسته‌وخۆ ده‌گه‌نه‌ كۆتاییه‌كانی مۆندیالی 2014 كه‌ به‌رازیل میوانداری ده‌كات، سێیه‌می هه‌ردوو گرووپ له‌ پاشكۆی ئاسیا له‌ دوو یاری (هاتن و چوون) به‌یه‌ك ده‌گه‌ن و براوه‌یان له‌گه‌ڵ پاڵه‌وانی ئۆقۆانوسیا له‌ دوو یاری به‌یه‌ك ده‌گه‌ن و براوه‌ی ئه‌م دوو یارییه‌ ده‌گاته‌ كۆتاییه‌كان.