دەست خۆش
]]>عەبدولخالق مەسعوود بەئاژانسی كوردستان بۆ دەنگوباس (ئاكانیوز)ى راگەیاند، یەكەتیی تۆپی پێی عێراق بەڕەسمی بڕیاری دا دەستەوارەی سیدكا بۆ وەرزی داهاتوو نوێ نەكاتەوە، ئەویش بەهۆی ئەو ئەنجامە خراپانەی ئەو راهێنەرە لەگەڵ هەڵبژاردەی عێراق بەدەستی هێناوە، ئاماژەی بەوەش دا دەستەوارەی ئەو راهێنەرە ئەڵمانیایییە لە 14ی ئاب/ئۆگستسی داهاتوو بەكۆتا دێت، بەڵام ئێمە وەك یەكەتییەكە سبەی یەكشەم بەڕەسمی دەستەوارەكەی هەڵدەوەشێنینەوە.
زیاتر گوتی، یەكەتیی تۆپی پێی عێراق چەند راهێنەرێكی پاڵاوتووە بۆ راهێنەرایەتیی هەڵبژاردەی عێراق لە نێوانیاندا راهێنەری بەناوبانگی بیانی هەیە، ئاماژەی بەوەش دا لە كاتێكدا ئەگەر یەكەتییەكە نەیتوانی دەستەوارە لەگەڵ راهێنەرانی بیانی بكات، ئەوا راهێنەرێكی ناوەخۆ بۆ راهێنەرایەتیی هەڵبژاردەی عێراق هەڵدەبژێرێ.
مەسعوود گوتی، هەوڵ دەدەین هەڵبژاردەی عێراق بەشێوەیەكی باش ئامادە بكەین بۆ كێبەركێكانی قۆناخی سێیەمی یارییەكانی پاڵاوتنی مۆندیالی 2014ی بەرازیل، بەتایبەتیش دوای ئەوەی لە یارییەكەی رابردوودا بەرامبەر هەڵبژاردەی یەمەن ئاستێكی خراپی پێشكێش كرد.
ڤۆڵڤگانگ سیدكا زیاتر لە ساڵێك راهێنەرایەتیی هەڵبژاردەی عێراقی كرد بەرامبەر 500 هەزار دۆلار، لەم ماوەیەدا هەڵبژاردەی عێراق بەشداری لە پاڵەوانیەتییەكانی رۆئاوای ئاسیا، 20مین جامی كەنداوی یەمەن، جامی نەتەوەكانی ئاسیای قەتەر و پاڵەوانیەتیی فۆكسی چوارقۆڵیی ئوردن كرد و هیچ دەستەكەوتێكی بەدەست نەهێنا.
]]>