سههیم عومهر خهلیفه د داخویانیهكێ دا بو ئاژانسا پهیامنێر گوت "پشتی كو كورته فلمێ من یێ ب ناڤێ "خاكێ پاڵهواناLand of the heroes " پشكداری د چهندین فیستهڤالێن سینهمایی دا كری و خهلات ژی ب دهست خوڤه ئیناین، ل چهند روژێن بوری دا پشكداری د گهرِا 17 یا فیستهڤالا فلمێن سان جیۆ ل ئیتالیا دا كر".
گوت ژی "د فیستهڤالێ دا، فلمێ من خاكێ پاڵهوانا دوو خهلات ب دهست خو ئینان، یا ئێكێ خهلاتا دادوهری یا فیستهڤالێ بو وهك باشترین كورته فیلم و خهلاتێ باشترین فیلم د پشكا نهوه Generation ب دهست خو ئینا".
بهری نها ژی كورته فلمێ "خاكێ پاڵهوانا Land of the heroes" كاری خهلاتا باشترین كورته فلم د فیستهڤالا سینهمایی یا بهرلین ب دهست خو بخهت.
چالاكیێن فیستهڤالا نێڤدهولهتی یا بهرلین، ل 10-20 شوبات/ فێبریوهری 2011، ب نیشاندانا فلمان ل سهرتاسهرێ دنیایێ، ل باژێرێ بهرلین ل وهڵاتێ ئهڵمانیا برێڤه چوو و خهلاتێن خو راگههاندن.
فلمێ "خاكێ پاڵهوانا" ژ بوو دوو خهلاتێن فیستهڤالێ هاتبو كاندید كرن، ئهو ژی "هرچا كریستاڵی" و "باشترین كورته فیلم" و كاری خهلاتا باشترین فلم ب دهست خو بینیت.
ژ لایهكێ د یڤه ڤی كورته فلمی كاری د ئهڤسال دا دوو خهلات د گهرِا 28 یا فیستهڤالا فلمێن بوسان ل كۆریا باشوور ب دهست خو ئینان، ئهو ژی خهلاتا لێژنا دادوهری وهك باشترین فیلم و خهلاتێ سینهماتۆگرافی".
ئهڤ فلمه ب هاریكاریا حكومهتا بهلژیكا و رێڤهبهراتیا هونهرێ سینهما ههولێر هاتیه بهرههم ئینان، كو د مهها حوزهیرانا سالا 2010 دهست ب كارێ وێنهگرتنا وێ هاتیه كرن و د مهها كانونا ئێكێ یا ههمان ساڵدا كارێ وێ ب دوماهی هات.
ئهڤ فلمه بهحسی جهنگێ د نێڤبهرا ههردوو وڵاتێن عیراق- ئیران دكهت كو بو دهمێ ههشت سالا یا بهردهوامی بوو.
دهرهێنهرێ لاو سههیم عومهر خهلیفه، خهلكێ باژێرێ زاخویه ل ههرێما كوردستانێ، ل بهلژیكا ژیانا خو ب سهر دبهت، برواناما ماستهرێ د بوارێ دهرهیناناێ ل بهلژیكا ب دهست ڤه ئینایه و كارێ دهرهینانێ بو هن فلمان كری.
]]>