له‌ لێدوانێكیدا ئه‌یوب ئۆدیشو گوتی: پێرۆزبایی له‌ هانده‌ران و ده‌سته‌ی كارگێری یانه‌ی هه‌ولێر و یاریزانان ده‌كه‌م به‌ بۆنه‌ی گه‌یشتنمان بۆ یاری كۆتایی ئه‌م ده‌ستكه‌وته‌ دوای ماندووبونێكی زۆر هاته‌ دی و ئێمه‌ هه‌وڵ ده‌دین له‌ یاری كۆتایی بتوانین سه‌ركه‌وتن به‌ ده‌ستبهێنین و خولی عێراق بۆ جاری چواره‌م بۆ شاری هه‌ولێر بگه‌رێنینه‌وه‌.

له‌ درێژه‌ی قسه‌كانیدا ئه‌یوب ئۆدیشو گوتی: ئه‌م سه‌ركه‌وتنه‌ پێشكه‌ش به‌ كاپتنی پێشووی یانه‌ی هه‌ولێر رافد بدردین ده‌كه‌م، كه‌ سالاَنێكی زۆر خزمه‌تی یانه‌ی هه‌ولێر كردووه‌ و هیوادارم به‌ زووترین كات له‌م نه‌خۆشیه‌ چاكبێته‌وه‌.

وا برِیاره‌ له‌ 15ی ئه‌م مانگه‌ له‌ یاریگه‌ی شه‌عب له‌ شاری به‌غداد یاری كۆتایی خولی بژارده‌ی عێراق بۆ تۆپی پێی له‌ نێوان هه‌ردوو یانه‌ی هه‌ولێر و زه‌ورا رووبه‌رووی یه‌كتر ده‌بنه‌وه‌.