ئه‌م لێدوانه‌ی ناوبراو له‌ دوای ئه‌وه‌وه‌ دێت كه‌ هه‌ندێك له‌ ڕۆژنامه‌ و ماڵپه‌ره‌كانی ئینته‌رنێت ئه‌وه‌یان بڵاوكرده‌وه‌ كه‌ بۆ دامه‌زراندنی ویندۆز 8 پێویسته‌ كۆمپیوته‌ره‌كه‌ تایبه‌تمه‌ندی به‌رزی هه‌بێت ، به‌ڵام میله‌ر ئاشكرای كرد كه‌ ئه‌و كۆمپیوته‌رانه‌ی ویندۆز 7 له‌سه‌ر ده‌توانرێت ویندۆز 8 له‌سه‌ر دابنرێت و بگره‌ به‌ تایبه‌تمه‌ندی نزمتریش.

جێگای وه‌بیر هێنانه‌وه‌یه‌ ستیڤ پاڵمه‌ری به‌ڕێوه‌به‌ری جێبه‌جێكاری كۆمپانیای مایكرۆسۆفت له‌ كۆنگره‌ی په‌ره‌پێدانی مایكرۆسۆفت كه‌ له‌ تۆكیۆی پایته‌ختی یابان سازكرابوو ڕایگه‌یاند  كه‌ به‌ دڵنیاییه‌وه‌ له‌ساڵی 2012 ویندۆز 8  له‌لایه‌ن مایكرۆسۆفت بڵاو ده‌كرێته‌وه‌.