هیوادارم هه‌میشه‌ سه‌ركه‌وتووبیت

ئه‌و وێب وێب سایته‌ی‌ كه‌ ده‌كرێت بڵێین زۆربه‌ی ڤیدیۆی‌ جیهانی‌ لێوه‌ سه‌یر ده‌كرێت و به‌كاردێت بۆ كۆمه‌ڵێك مه‌به‌ست، له‌و نێوه‌نده‌دا حكومه‌تی‌ ئوسترالیا وێب سایتی‌ یوتیوب به‌كارده‌هێنێت بۆ ڕێگه‌گرن له‌و پانه‌به‌رانه‌ی‌ كه‌ دێنه‌ خاكی‌ وڵاته‌كه‌یه‌وه‌ ئه‌ویش به‌وه‌ی كه‌ پلانی‌ ئه‌وه‌ی له‌به‌رده‌ستدایه‌ كه‌ ڤیدیۆ بخاته‌ ناو وێب سایتی‌ یوتیوب بۆ  وره‌ ڕووخاندنی ئه‌و په‌نابه‌رانه‌ی‌ كه‌ ده‌یانه‌وێت بێنه‌ نێو خاكی‌ ئوسترالیاوه‌ و پاشان ده‌ركردنیان و سنوورداشكردنیان بۆ نێو خاكی‌ مالیزیا، له‌هه‌مانكاتدا حكومه‌تی‌ مالیزیا ڕێككه‌وتننامه‌یه‌كی‌ ئیمزاكردووه‌ له‌گه‌ڵ‌ حكومه‌تی‌ ئوسترالیا بۆ ئه‌و مه‌به‌سته‌.
له‌ ڕێككه‌وتننامه‌كه‌دا هاتووه‌ كه‌وا مالیزیا 800 په‌نابه‌ر وه‌رده‌گرێت له‌ ئوسترالیا كه‌ ئوسترالیا ڕێگریی‌ لێكردوون بۆ چوونه‌ ناو خاكی‌ ئوسترالیاوه‌، له‌به‌رامبه‌ر ئه‌مه‌شدا ئوسترالیا 4000 كۆچبه‌ری مالیزی‌ قبوڵده‌كات كه‌ پێشتر تۆماركراون.
سیناریۆی گرته‌ ڤیدیۆییه‌كه‌ به‌م شێوه‌یه‌یه‌: (په‌نابه‌ره‌ مالیزییه‌كان ده‌ستگیرده‌كرێن و پاشان به‌هۆی به‌له‌مه‌وه‌ ده‌برێن بۆ به‌ندیخانه‌ له‌ دوورگه‌ی‌ (كریسمس) و پاشان به‌هۆی فڕۆكه‌وه‌ ڕه‌وانه‌ی‌ كۆمه‌ڵێك كه‌مپ ده‌كرێن كه‌ له‌ پایه‌ختی‌ مالیزیا ئاماده‌كراوه‌)، ئه‌م گرته‌ ڤیدیۆیه‌ ئه‌وه‌ ده‌رده‌خات كه‌ په‌نابردن بۆ ئوسترالیا ئه‌وه‌ ئه‌نجامه‌كه‌ی ده‌بێت.
ئه‌م كاره‌ی حكومه‌تی‌ ئوسترالیا ده‌نگ و هه‌رایه‌كی‌ زۆری نایه‌وه‌ له‌لایه‌ن گروپه‌كانی‌ مافی مرۆڤه‌وه‌ و ڕه‌خنه‌ی‌ توندیان ئاڕاسته‌ی‌ حكومه‌تی‌ ئوسترالیا كرد، چونكه‌ ئه‌وان له‌گه‌ڵ‌ وڵاتێكدا ڕێككه‌وتوون كه‌ ڕێككه‌وتننامه‌ی‌ نه‌ته‌وه‌ یه‌كگرتووه‌كانیان ئیمزا نه‌كردووه‌ سه‌باره‌ت به‌ په‌نابه‌ران و داواكاری مانه‌وه‌.
له‌ وه‌ڵامی‌ وه‌زیری كۆچبه‌رانی‌ ئوسترالیا (كریس بۆون) ده‌ڵێت "ئێمه‌ ده‌زانین كه‌ قاچاغچی و كۆچه‌ره‌كان درۆ ده‌كه‌ن و ئه‌زانین كه‌ ئه‌وان به‌ویستی‌ خۆیان كۆچ ده‌كه‌ن و هیچ مه‌به‌ستێكیان له‌و كۆچكردنه‌ نییه‌ بۆ دابینكردنی‌ بژێوی‌ و كۆكردنه‌وه‌ی پاره‌، بۆیه‌ ئێمه‌ش له‌ به‌رامبه‌ردا ئه‌و كاره‌ ده‌كه‌ین".
به‌گوێره‌ی‌ قسه‌ی‌ كریس بۆون ئه‌م گرتانه‌ ته‌نها ئامانج نییه‌ بۆ په‌نابه‌رانی نزیك سنووری ئه‌و وڵاته‌، به‌ڵكو ئه‌مه‌ بۆ هه‌موو ئه‌و په‌نارانه‌یه‌ كه‌ ڕووده‌كه‌نه‌ ئه‌وێ‌.
ئه‌وه‌ی جێی‌ سه‌رنجه‌ لێره‌دا پێشتر حكومه‌تی‌ ئوسترالیا ڤیدیۆ و ڕێگای‌ تری‌ به‌كارهێناوه‌ بۆ ڕێگه‌گرتن له‌و كاره‌ كه‌ په‌نابه‌ران چ ناخۆشی و ئازارێك ده‌چێژن له‌ به‌ندیخانه‌كاندا، به‌ڵام ئه‌مه‌ یه‌كه‌مجاره‌ ڤیدیۆی له‌و شێوه‌یه‌ بڵاوده‌كاته‌وه‌.
و. ئارام فارس
سه‌رچاوه‌: بی بی سی