دوو حەفتە لەمەو بەر ئیدواردۆ ئاندا سەرنووسەری پێشووی رۆژنامەی "ماركا"ی ئیسپانیایی كە لە یانەی شاهانە نێزیكە، رای گەیاند ریال مەدرید بەنیازە بەو 100 ملیۆن یۆرۆیەی كە لە فرۆشتنی كریستیانۆ رۆناڵدۆ دەستی دەكەوێ، میسی بە200 ملیۆن یۆرۆ بكڕێ.
دوێنێ شەموو ریال مەدرید لە ماڵپەڕی خۆیدا رای گەیاند میسی بەر لەوەی بۆ هەرێمی كەتەلۆنیا بگەڕێتەوە، دەستەوارەیەكی یانەكەى بەبڕی 200 ملیۆن یۆرۆ و مووچەیەكی مانگانە بەبڕی 20 ملیۆن یۆرۆ رەت كردەوە.
لەگەڵ ئەوەشدا ریال مەدرید بەنیازە بڕی دەستەوارەكەى تا 250 ملیۆن یۆرۆ زیاد بكات كە بەو بڕە پارەیە گرێبەستی میسی لەگەڵ بەرشەلۆنەدا هەڵدەوەشێتەوە.
هەرچەند گواستنەوەی میسی بۆ ریزی یانەى شاهانە شتێكی چاوەڕواننەكراوە، بەڵام نابێ ئەوەشمان لەبیر بچێ لویس فیگو ئەستێرەى ساڵانی رابردووى بەرشەلۆنە لە دۆخێكی هاوشێوەدا بۆ ریزی یانەى ریال مەدرید گوازرایەوە و شیمانە هەیە ئەمجارەش یانەى پایەتەخت گورزێكی تر لە كەتەلۆنییەكان بوەشێنێ.
]]>