سعودییه ‌ئاگادارى موسڵمانه‌كان ده‌كاته‌وه‌ له‌به‌ده‌ست گه‌یشتنى چاپى قورئانی پرِ له‌هه‌ڵه‌

بریكارى وه‌زاره‌تى كاروبارى ئیسلامى و كاروبارى چاپكراوه‌كان له‌عه‌ره‌بستانى سعودییه‌ئاشكراى كردووه‌، جۆره‌قورئانێك له‌هه‌ندێك چاپخانه‌ى سوریا و لوبنان چاپكراون هه‌ڵه‌ى گه‌وره‌ى چاپى تێدا ئه‌نجامدراوه‌و داواى له‌موسڵمانان كردووه‌ئاگادارى ئه‌و جۆره‌قورئانانه‌ببن.(مه‌ساعى حه‌دیسى) بریكارى وه‌زاره‌تى كاروبارى ئیسلامى و كاروبارى چاپكراوه‌كان له‌عه‌ره‌بستانى سعودییه‌بۆ رِۆژنامه‌ى وه‌ته‌نى چاپى ووڵاته‌كه‌ى رایگه‌یاندووه‌، چه‌ند كه‌سێكى ناموسڵمان له‌هه‌ردوو ووڵاتى سوریا و لوبنان قورئانیان له‌چاپداوه‌و هه‌ڵه‌ى گه‌وره‌یان تێدا كردووه‌و مه‌به‌ستیشیان پێى كارى بازرگانى بووه‌.هه‌روه‌ها ئه‌و به‌رپرسه‌ى حكومه‌تى سعودییه‌راشیگه‌یاندووه‌، ئێستا موسڵمانه‌كان له‌مانگى قورئاندان، به‌ڵام هه‌ندێك كه‌س ئه‌و هه‌له‌ده‌قۆزنه‌وه‌بۆ مه‌به‌ستى بازرگانى پێوه‌كردنى، ناوبراو ووتیشى: جۆره‌قورئانێك له‌ووڵاتى چین چاپكراوه‌هیچ جیاوازییه‌كى ئه‌وتۆى نییه‌له‌گه‌ڵ قورئانه‌كانى چاپخانه‌ى مه‌لیك فه‌هد، به‌ڵام یه‌ك حزبى ته‌واوى تێدا نییه‌.هه‌روه‌ها حه‌دیسى باسیشى له‌وه‌كردووه‌، ئه‌وان له‌چاپخانه‌ى مه‌لیك فه‌هد لێژنه‌یه‌كى 400 كه‌سیان هه‌یه‌، كه‌ته‌نها كاریان ووردبینى كردنى به‌رله‌چاپكردنى قورئانه‌، ئه‌وه‌ش ماناى بایه‌خ پێدانى گه‌وره‌یه‌به‌كارى چاپكردنى قورئانى پیرۆز له‌ووڵاته‌كه‌یدا.