مه‌سه‌لکی کوردی هه‌یه‌ ده‌لێ (تۆله‌ به‌ تۆله‌ قانزاجی زۆره‌)

خۆتان ئاماده‌ بکه‌ن و ببنه‌ پیاو زۆریان نه‌مایه‌ بێنه‌ ناو هه‌ولێر[/center][/size]

mostahaqmana  xoman  tambe  naben
kurd dayma  begana  parast buwa

ئه‌وه‌ی شه‌وی دووشه‌ممه‌ به‌سه‌ر ئه‌و چه‌ند سه‌د هانده‌ره‌ی یانه‌ی هه‌ولێریان هێناوه‌ له‌نێو یاریگه‌ی شه‌عب له‌ به‌غدادا، پیاو ده‌ته‌زێنێ و ته‌واو بێئومێدمان ده‌كات و دڵنیاشمان ده‌كاته‌وه‌ له‌وه‌ی به‌غدا هیچ كاتێك شوێنێكی ئارام نییه‌ بۆ كورد و به‌ تایبه‌تی بۆ وه‌رزشوانانی كوردستان.
چه‌ند هه‌زار كه‌سێك له‌ هانده‌رانی عه‌ره‌ب ده‌وره‌ی نێزیكه‌ی 300 هانده‌ری یانه‌ی هه‌ولێریان داوه‌ و سووكایه‌تییان پێكردوون و لێیانداون و ئازاریان داون، ئاڵای یانه‌ی هه‌ولێریشیان سووتاندووه‌، كه‌ هه‌موومان ده‌زانین ئاڵای "زه‌رد"ـی یانه‌ی هه‌ولێر گوزارشت له‌ چی ده‌كات و مانای چییه‌.
به‌داخه‌وه‌ ئه‌وه‌ جاری یه‌كه‌م نییه‌ هانده‌رانی یانه‌ی هه‌ولێر له‌ به‌غدا به‌و شێوه‌یه‌ مامه‌ڵه‌یان له‌گه‌ڵ ده‌كرێت و پۆلیس و سوپاش له‌وێ، له‌ بری پاراستنیان، بێده‌نگی و له‌ هه‌ندێ كاتدا به‌شداریشیان له‌ لێدانی هانده‌رانی هه‌ولێر، هه‌ڵبژاردووه‌.
هه‌ولێرییه‌كان بۆ هاندانی یانه‌ی شاره‌كه‌یان چووبوونه‌ وێرانه‌كه‌ی به‌غدا، كاتێكیش كه‌ له‌ ماڵی خۆیان میوانداریی تیپه‌كان بكه‌ن، ڕێز له‌ هانده‌رانی میوانیان ده‌گرن و ئه‌گه‌ر جارجاره‌ش كێشه‌یه‌ك دروست بووبێت، هه‌رگیز نه‌گه‌یشتۆته‌ ئه‌وه‌ی ئازاری كه‌س بدرێت.
ئه‌مه‌ له‌ كاتێكدایه‌ كه‌ ئه‌مڕۆ هه‌موو وه‌رزشی عێراق له‌ هه‌ولێر به‌ڕێوه‌ ده‌بردرێ، هه‌ڵبژارده‌كانی تۆپی پێی یه‌كه‌م، ئۆڵمپی، لاوان و كۆبوونه‌وه‌كانی یه‌كیه‌تیی تۆپی پێ، كه‌مپی مه‌شق، جامی یه‌كیه‌تی ئاسیا، كه‌مپی تیپی یارییه‌كانی جیای له‌ تۆپی پێ، میوانداری شانده‌كان، میوانداریكردنی پاڵه‌وانیه‌تییه‌كان و ده‌یان بۆنه‌ی دیكه‌ هه‌مووی له‌ كوردستان و هه‌ولێره‌، به‌ پاره‌ی خۆمان ده‌بێت خزمه‌تیان بكه‌ین، یاریگه‌یان بۆ نۆژه‌ن ده‌كه‌ینه‌وه‌ و به‌رپرسه‌ سیاسییه‌كانمان ئۆتۆمبیڵی ده‌رع و دیاری و پاره‌ی باش ده‌ده‌نه‌ به‌رپرسانی وه‌رزشیی عێراق، ئه‌وانه‌ی خۆیشمان به‌ پێشیان ده‌كه‌ون تا دیاریی و ئیكرامییه‌یان بۆ وه‌ربگرن، به‌ داخه‌وه‌ من نازانم به‌غدا نه‌ك له‌ وه‌رزش، له‌ هیچ بوارێكی دیكه‌ی ژیان و ئیداره‌دا چی بۆ كوردستان كردووه‌، جگه‌ له‌ كێشه‌ و گرفت و ڕێگریی نه‌بێت.
هه‌ڵبژارده‌ی عێراق و یانه‌ عێراقییه‌كان له‌ هه‌ولێر یاریی ده‌كه‌ن، جه‌ماوه‌ره‌كه‌یان به‌ لێشاو دێنه‌ هه‌ولێر به‌ ژن و پیاوه‌وه‌ به‌ سه‌ما و هه‌ڵپه‌ڕكێیه‌وه‌ دێنه‌ یاریگه‌، به‌ هه‌زارانی دیكه‌یان وا له‌ هه‌ولێر ده‌ژین و كار ده‌كه‌ن، كه‌چی ئه‌وه‌ هه‌ڵسوكه‌وتی راسته‌قینه‌ی ئه‌وانه‌ كاتێك له‌ به‌رده‌م ماڵی خۆیانن.
هانده‌رانی زه‌وڕا هه‌ڵه‌یه‌كی گه‌وره‌یان كرد ده‌ستدرێژییان له‌ هانده‌ران و ئاڵای یانه‌ی هه‌ولێر كردووه‌، چونكه‌ به‌غدا وێرانه‌یه‌ و یاریی فه‌رمی له‌ ئاستی ده‌ره‌وه‌ لێ ناكرێت، وه‌رزی نوێ زه‌وڕا به‌شداریی جامی یه‌كه‌تیی ئاسیا ده‌كات و ده‌بێت بێته‌ هه‌ولێر یان دهۆك یاریی بكات، ئه‌وكاتیش هانده‌رانی ئه‌وانیش بۆ هاندانی یانه‌كه‌یان دێن، ئینجا یان ده‌بێت نه‌یه‌ن، یان ئاماده‌ی هه‌ر پێشهاتێك بن، چونكه‌ ڕۆڵه‌ی كورد هه‌رگیز جارێكیتر قبوڵ ناكات زوڵمی لێ بكرێت.
به‌ به‌رپرسانی وه‌رزشیی كوردستان، به‌ تایبه‌تی به‌رپرسانی شاری هه‌ولێر و یانه‌ی هه‌ولێریش ده‌ڵێم، حه‌ق وایه‌ تۆزێك مووتان بجوڵێت و بوێرییه‌ك په‌یدا بكه‌ن، به‌سه‌ تاكه‌ی ده‌بنه‌ خزمه‌تكاری تۆپی پێی عێراق و به‌غدا، ئه‌وان چییان بۆ ئێمه‌ كردووه‌، چه‌ند یاریزانی كورد له‌ تیپه‌ عێراقییه‌كاندا یاریی ده‌كه‌ن، كاتێك تیپه‌كانیان لێره‌ یاریی ده‌كه‌ن، جگه‌ له‌ پیسكردنی یاریگه‌ و تێكدانی و دروستكردنی كێشه‌، چیمان بۆ به‌جێدێڵن. ته‌نانه‌ت یه‌ك فلسیش له‌ داهاتی بلیتی یاریگه‌ به‌ یانه‌ی هه‌ولێر ناده‌ن، ئیدی مانای چییه‌ ئه‌و بێده‌نگیی و بێ مروه‌تییه‌.
هیوام وایه‌ ڕاگه‌یاندنی كوردستانیش له‌ ئاست ئه‌و ده‌ستدرێژییه‌ی كراوه‌ته‌ سه‌ر هانده‌ران و ئاڵای هه‌ولێر بێده‌نگ نه‌بن و هه‌ڵمه‌تی ڕاگه‌یاندن ده‌ست پێ بكه‌ن، چونكه‌ ئه‌وه‌ی زانراوه‌ نه‌ك هانده‌ران، به‌ڵكو ڕۆژنامه‌نووسانی كوردسانیش ئه‌وانه‌ی چووبوونه‌ به‌غدا، دووچاری سووكایه‌تی پێكردن بوونه‌ته‌وه‌.
وابزانم ئه‌وێ ڕۆژێشتان له‌بیره‌ كه‌ 2 ڕاهێنه‌ری گۆڕه‌پان و مه‌یدانی كورد له‌گه‌ڵ راهێنه‌ر و یاریزانانی گۆڕه‌پان و مه‌یدانی عێراق له‌سه‌ر كێشه‌یه‌كی خۆیان له‌ هه‌ولێر به‌شه‌ڕهاتن، به‌غدا دنیایان لێ پڕ كردین و ڕایان گه‌یاند كه‌ له‌ هه‌ولێر پێشمه‌رگه‌ ده‌ستدرێژیی كردۆته‌ سه‌ر یاریزانانی عێراق.
ئیتر به‌سه‌ با پیاو بین و چیتر خزمه‌تی ئه‌وانه‌ نه‌كه‌ین، كه‌ هه‌ر كاتێك بۆیان بڕه‌خسێت له‌سه‌ر زه‌وی ده‌مانسڕنه‌وه‌، با ئه‌وانه‌شی به‌رژه‌وه‌ندییان له‌گه‌ڵ وه‌رزشی به‌غدا هه‌یه‌ تۆزێك به‌خۆیاندا بچنه‌وه‌ و چیتر وه‌رزش و وه‌رزشوانانی كوردستان نه‌كه‌نه‌ قوربانیی به‌رژه‌وه‌ندییه‌كانیان، چونكه‌ ئه‌وجاره‌ جه‌ماوه‌ر له‌وانیش بێده‌نگ نابێت.[/size]