یەكەتیی تۆپی پێی ئوردنى وەڵامى داوكارییەكى عەدنان حەمەدى راهێنەرى بەڕەگەز عێراقی دایەوە لەبارەى تەرخانكردنى 100 هەزار دۆلارى ئەمەریكایی وەك خەڵات بۆ هەڵبژاردەكە لە كاتى بردنەوەیان لە هەڵبژاردەى عێراق.

یەكەتیی تۆپی پێی ئوردن بڕی 5 هەزار دۆلارى بۆ هەر یاریزانێك تەرخان كردووە ئەگەر لەو یارییەدا سەركەون، هەروەها بڕی 2 هەزار و 500 دۆلارى تەرخان كردووە ئەگەر یەكسان بن، ئەمەش بۆ جێبەجێكردنى خواستی هاندەرانى تۆپی پێی ئوردن كە دەخوازن بۆ یەكەمجار هەڵبژاردەكەیان بگاتە مۆندیال، ماڵپەڕی ستادى دەوحەى قەتەڕی گواستییەوە.

هەڵبژاردەى ئوردن بەر لەو یارییەى بەرامبەر عێراق لە یارییەكى هەڤاڵێنیدا بەئەنجامى 3 گۆڵ بەرامبەر هەڵبژاردەى توونس یەكسان بوو، هەروەها بڕیارە سبەى شەموو رووبەڕووى هەڵبژاردەى ئەندەنووسیا ببێتەوە.