dast xosh bo am hawala brakam

ده‌ست خۆش

بیرۆكه‌ی‌ وێنه‌گرتنه‌كه‌ له‌و كاته‌دا دروست ده‌بێت كه‌ پزیشكه‌ پسپۆڕه‌كان به‌ «تشارلز ماكویلان« راده‌گه‌یه‌نن حاڵه‌تی‌ نه‌خۆشییه‌كه‌ی‌ پێویستی‌ به‌ ئه‌نجامدانی‌ نه‌شته‌رگه‌رییه‌كی‌ دڵ‌ هه‌یه‌ كه‌ خۆی‌ به‌ئاگا بێت، هه‌ربۆیه‌ تشارلز بڕیار ده‌دات سه‌رجه‌م قۆناغه‌كانی‌ كاتی‌ ئه‌نجامدانی‌ نه‌شته‌رگه‌رییه‌كه‌ وێنه‌ بگرێت، بۆئه‌وه‌ی‌ كۆمه‌ڵێك وێنه‌ی‌ كاریگه‌ر به‌ده‌ست بهێنێت.

هاوپێچ له‌گه‌ڵ‌ كۆمه‌ڵه‌ وێنه‌ كاریگه‌ره‌كانی‌ ئه‌و فۆتۆگرافه‌ره‌، تشارلز توانیویه‌تی‌ وێنه‌یه‌كی‌ كاریگه‌ری‌ هه‌ردوو مناڵه‌كه‌ی‌ بگرێت كه‌ له‌كاتی‌ چوونی‌ باوكیان بۆ نه‌خۆشخانه‌ به‌گریانه‌وه‌ ماڵئاوایی‌ لێده‌كه‌ن، یه‌كێكی‌ دیكه‌ش وێنه‌ی‌ خۆیه‌تی‌ به‌راكشاوی‌ له‌سه‌ر قه‌ره‌وێڵه‌ی‌ ژووری‌ نه‌شته‌رگه‌رییه‌كه‌.

تشارلز، رایگه‌یاندووه‌ كه‌ وێنه‌گرتن ته‌نها رێگه‌ی‌ ئه‌و بووه‌ بۆ مامه‌ڵه‌كردن له‌گه‌ڵ‌ ئه‌و حاڵه‌ته‌ قورسه‌دا، وتو‌ویه‌تی‌ «وێنه‌گرتنه‌كه‌ وایكرد ئه‌و ئه‌زموونه‌ زۆر مه‌ترسیداره‌ی‌ ژیانم له‌ چه‌ند گۆشه‌نیگایه‌كی‌ جیاوازه‌وه‌ ببینم«.

ئاماژه‌ی‌ به‌وه‌شكردووه‌ كه‌ تیمی‌ پزیشكه‌كان زۆر هاوكاری‌ بوون له‌رێگه‌دان به‌ وێنه‌گرتنه‌كه‌و سه‌ردانیكردنی‌ بۆ ژووری‌ نه‌شته‌رگه‌رییه‌كه‌ به‌مه‌به‌ستی‌ چه‌سپاندنی‌ سێ‌ كامێرا كه‌ ئه‌و كامێرایانه‌ هه‌ر یه‌كه‌یان له‌ ئاڕاسته‌یه‌كه‌وه‌ پرۆسه‌ی‌ نه‌شته‌رگه‌رییه‌كه‌یان تۆماركردووه‌، به‌شێوه‌یه‌ك دوان له‌و كامێرایانه‌ له‌به‌شی‌ خواره‌وه‌ی‌ قه‌ره‌وێڵه‌كه‌ دانراون‌و كامێرای‌ سێیه‌میشیان راسته‌وخۆ له‌سه‌ر سه‌ری‌ بووه‌، كه‌ له‌دووره‌وه‌‌و له‌رێگه‌ی‌ ئامێرێكه‌وه‌ كۆنتڕۆڵی‌ كراوه‌، ئه‌مه‌ جگه‌له‌وه‌ی‌ كامێرای‌ چواره‌م هه‌ڵچوون‌و ره‌فتاره‌كانی‌ خێزانه‌كه‌ی‌ تشارلز ی‌ وێنه‌گرتووه‌.

له‌و نه‌شته‌رگه‌رییه‌دا كه‌ بۆماوه‌ی‌ 90 خوله‌ك به‌رده‌وام بوو، پزیشكه‌كان توانییان چاره‌سه‌ری‌ حاڵه‌تی‌ نه‌خۆشییه‌كه‌ی‌ ئه‌و فۆتۆگرافه‌ره‌ بكه‌ن كه‌ به‌رته‌سكییه‌كی‌ زۆر بوو له‌ خوێنبه‌ره‌كانی‌ دڵدا، دوای‌ نه‌شته‌رگه‌رییه‌كه‌ش ئێستا تشارلز به‌ته‌ندورستییه‌كی‌ زۆر باشه‌وه‌ گه‌ڕاوه‌ته‌وه‌ سه‌ر كاره‌كه‌ی‌ خۆی‌.

[size=16]Hawlati.co[/size]