ماڵپهڕى کۆمهڵایهتى فهیسبوک زۆترین بهشداربووى ههیه و زۆرترین زانیارى لهوێوه ئاڵوگۆڕ دهکرێت، چهند ساڵێکیشه له کوردستاندا بهشداربوانى روو له زیادبوونه، بهڵام دیاردهیهکى سهیر لێرهدا بوونى ههیه ئهویش بهشداربوونى کوڕانه بهناو و وێنهى کچانهوه
(ههردى تۆفیق)ى تهمهن (25) ساڵ و فهرمانبهر وێنهى کچێکى جوانى لهسهر ناوه ساختهکهى داناوه و به پێکهنینهوه دهڵێت ئهمهم بۆ ئهوه کردوه تا بهو کوڕانه ڕابوێرم که ههمیشه بهدواى کچ دا دهگهڕێن و ئهدیان دهکهن، دهیانهوێت زۆرترین کچیان له دهور بێت و لهو رێگهیهوه ئیستیغلالیان بکهن، چونکه من هاوڕهگهزهکانى خۆم باش دهناسم. (ههردى تۆفیق) ماوهیهکى زۆره ئهمه پیشهیهتى و بێتاقهت نابێت لهم رهفتارهى، چونکه به بڕواى ئهو کوڕێک ئهوهنده گهمژه بێت و بگهڕێت بهدواى کچ دا و نهشزانێت پرۆفایلهکهى چیه و هیچ پهیوهندیهکیشى پێوهى نهبێت ههر بۆ ئهوه باشه گاڵتهى پێبکات
وریا حهیدهر، کوڕێکى ترى تهمهن (27) ساڵى یاریزانه و بهشداربویهکه دوو ئیمهیڵى ههیه و یهکێکیان به ناوى کچێکهوهیه و وهک خۆى باسى دهکات ناوێکى بۆ داناوه کوڕان شهو نیه ئهدى نهکهن و ههمیشه پێڕێک لهسهر خهتن بۆى و بازاڕى ئهوهنده گهرمه دهڵێى ههرکهس داخڵ بوو فهرز کراوه لهسهرى ئهم کچه بکاته هاوڕێى خۆى، (وریا حهیدهر) لهوه تێگهشتووه ئهو کوڕانهى هیچ کچێک نایهوێن و بێ سهقافهت و بێ بڕوانامه و بێ ئیشن ناچارن فهیسبوک تاقیبکهنهوه تا بهڵکو دهروازهیهک بهڕووى بهدبهختیاندا بکرێتهوه
شهنگه فارس، کچێکى تهمهن (26) ساڵى مامۆستایه و نیگهرانه لهو دیارده ناتهندروسته و هیواى وایه نهمێنێت، شهنگه ئاماژه بۆ ئهوه دهکات که چهندین وێنهى کچى بیانى له فهیسبوک ناوى کوردى لهسهره و ئهوهى تۆسقاڵێک بیر و هۆشى ههبێت و مێشکى بکاتهوه دهزانێت ئهم روخساره روخسارى کچى کورد نیه و جلهکانى هیچ مۆرکێکى کوردیان پێوه دیار نیه و تهنها بۆ گاڵته کردنه به ئهو کهسانهى له ئاستێکى نزمدا خۆیان دهنوێنن، ئهو مامۆستایه ئهوهش به گرفت دهزانێت ههموو کهسێک دهتوانێت له ماوهیهکى کهمدا بهشدار بێت و به خۆڕایى ههموو جۆره لادانێک ئهنجام بدات به تایبهت بهرامبهر بهو کچانهى که بهناوى خۆیانهوه بهشدارن، (شهنگه) دوا وتهى ئهوهیه حهیفه بهنرخترین تهکنهلۆژیا و داهێنانى مرۆڤ بۆ بێنرخترین بێڕێزى بهرامبهر به مرۆڤ بهکاربهێنرێت و ویژدانى کهسهکه غیاب بێت و به دیوه نهرێنییهکهیدا مامهڵهى لهگهڵدا بکات
توێژهرێکى کۆمهڵایهتیش ئهم حاڵهته بۆ ئهوه دهگێڕێتهوه ئهو کهسانه دهیانهوێت لهو رێگهیهوه زووتر بکرێنهوه لهگهڵ بهرامبهره ئهسڵیهکهیاندا و غهریزهکانیان خاڵى بکهنهوه
ئاراس حهسهن، توێژهرى کۆمهڵایهتى، پێیوایه ئهمهش هۆکهى ئهوهیه که وێنهى کچ له چاوى زۆرێک له تاکهکاندا وهک پێشتر نیه و نهێنى یهکان ئاشکراتر بوون و زیاتر به رووتى شتهکان دهبینرێن، ئهو توێژهره ئاماژهش به ئهوه دهکات ئهمه گرێیهکى دهرونیه و بۆ ئهوهیشه که ههڵسوکهوت و بیرکردنهوهى کهسى بهرامبهر لهم رێگهیهوه به ههڵهدا ببرێت بهو مهبهستهى بهرژهوهندییهکى خودى بۆ بێته بهرههم[/size]
سهرچاوهبهكرهجۆ
]]>