وةلا هةتا يونس و هاوارة خؤفرؤش و... هتد   يارى بكةن هةر ئةمة حاليان دةبئ

ههههههههههههههه

پیرۆز مان بی

يونس معمود ... دةيكوت دةبيت كول تؤمار بكةم ...  ههههههههه

                       جاو زةرد  بيرؤزمان بيت

ئێوارەی ئەمڕۆ شەموو لە میانەی یارییەكانی پاڵاوتنی كیشوەری ئاسیا بۆ گەیشتن بەمۆندیالی 2014 لە تۆپی پێ، لە یاریگەی فڕەنسۆ هەریری لە هەولێردا هەڵبژاردەی عێراق بەئەنجامی 0-2 گۆڵ بەهەڵبژاردەی ئوردن دۆڕا.

لە دوای یارییەكە كۆنگرەی رۆژنامەوانی بۆ هەردوو راهێنەر ئەنجام درا. سەرەتا عەدنان حەمەد راهێنەری هەڵبژاردەی ئوردن كە بەڕەگەز عێراقییە، رای گەیاند پێشبینیی سەركەوتنی تیپەكەی نەدەكرد، بەهۆی ئەوەی پێی وابوو هەڵبژاردەی عێراق تیپێكی بەهێزە، گوتی یارییەكە بۆ ئێمە وەكو هەڵبژاردەی ئوردن زۆر ئەستەم بوو، چونكە بردنەوە لە تیپی عێراق لە یاریگەی خۆیدا كارێكی ئەستەمە، لەگەڵ ئەوەشدا هێشتا رێگەكە دوورە و 5 یاریی ترمان لە پاڵاوتنەكاندا ماوە، پێویستە زیاتر خۆمان رێك بخەین و وردبین بین.

عەدنان حەمەد هەروەها گوتی هەڵبژاردەی ئوردن یارییەكی بەهێزی لە رووی تەكتكییەوە پێشكێش كرد و شایانی بردنەوە بوو، ئاواتیشمان ئەوەیە بگەینە قۆناغی كۆتای پاڵاوتنەكان.

لەبارەی یاریزانەكانی تیپەكەشیەوە رای گەیاند یاریزانەكانی ئێمە ئاستێكی بەرزیان نواند سەرەڕای گەرمیی كەشوهەوا و پاڵەپەستۆی جەماوەر، بەڵام ئێمە ئێستا تیپێكی بەهێزین و لە هەموو بارودۆخێكدا یاری دەكەین.

عەدنان حەمەد پێشتر راهێنەری هەڵبژاردەی عێراق بووە، پەیامنێری ئاژانسی كوردستان بۆ دەنگوباس (ئاكانیوز) پرسیاری هەستی ئەو راهێنەرەی كرد كە سەركەوتنی بەسەر تیپی وڵاتەكەی تۆمار كردووە و ئێستا سەركردایەتی تیپی وڵاتێكی تر دەكات، عەدنان حەمەد گوتی بێگومان هەستێكی ناخۆشە بۆ من و لە بارێكدام كە كەس ئیرەییم پێ نابات، بەڵام ئەوە لۆجیكی كاركردنە.

هەروەها گوتی من كەسێكم بەشدار بوومە لە دروستكردنی ئەو نەوەیەی ئێستا یاری بۆ عێراق دەكەن و لەگەڵ ئەو تیپەدا لە بارودۆخی ئەستەمدا سەركەوتنی گەورەمان تۆمار كردووە، هیوادارم هەڵبژاردەی عێراق كە تیپی وڵاتی منە، سەركەوتن بەدەست بێنێت و یارییەكانی داهاتووی بەباشی ئەنجام بدات، یەك دۆڕاندنیش نابێتە رێگر لە بەردەم ئامانجەكانی تیپەكە.

عەدنان حەمەد پێش یارییەكە كاتێك هاتە نێو یاریگە، پێشوازییەكی گەورەی لەلایەن جەماوەرەوە لێ كرا، ئەویش لە كۆنگرە رۆژنامەوانییەكەدا رای گەیاند زۆر سوپاسی خەڵكی وڵاتی خۆم دەكەم، بۆ من چاوەڕواننەكراو نەبوو بەو جۆرە پێشوازی بكرێم، ئەوان كەسوكاری من بوون.

پاشان زیكۆ راهێنەری بەڕازیلی كە تازە مەشقی هەڵبژاردەی عێراقی لە ئەستۆ گرتووە و ئەوە یەكەمین یاریی بوو سەرپەرشتیی تیپەكەی كرد، قسەی بۆ رۆژنامەنووسان كرد.

زیكۆ كە یەكێكە لە ئەستێرە ناسراوەكانی پێشووی دنیا لە تۆپی پێ، گوتی بەخت یاوەرمان نەبوو، پێم وایە یارییەكی باشمان پێشكێش كرد، بەڵام دەرفەتەكانی گۆڵكردنمان نەقۆستەوە.

ئەوەشی گوت ئەنجامەكە بەدڵی ئێمە نەبوو، بەڵام ئاسایییە، هەلی باشمان بۆ رەخسا، بەڵام بەخت یاوەرمان نەبوو و بەختی تیپی ئوردن لە بەختی ئێمە باشتر بوو، هیشتاش لە قۆناغی ناسینی یاریزانەكانی خۆمانم.

زیكۆ ئاماژەی بەوەش دا كە لە ئێستەدا ناتوانێ گۆڕانكاری لە پێكهاتەی تیپەكەی بكات بەهۆی چوونە نێو ركابەرییەكانەوە، بەڵام لە داهاتوودا گۆڕانكاری ئەنجام دەدات.

هەڵبژاردەی عێراق لە گێمی دووەمدا بە 4 هێرشبەر یاریی كرد، بەڵام بەربەرستی بەرگریی ئوردنی پێ نەشكا، پرسیاری (ئاكانیوز)یش ئەوەبوو بۆچی نەتوانرا گۆڵ تۆمار بكرێ، زیكۆ لە وەڵامدا گوتی بەخت یاوەرمان نەبوو و هەڵەشمان هەبوو، تەنانەت گۆڵەكانی ئوردن لە رێگەی هەڵەكانی بەرگریی خۆمانەوە بوو، نەك بەتوانای یاریزانانی ئوردن.

زیكۆ ئەوەی خستە ڕوو كە دەستبەردار نابن و هەوڵ دەدا تیپەكە بەشێوەیەكی باشتر ئامادە بكات بۆ یارییەكانی داهاتووی پاڵاوتن.

هەڵبژاردەی عێراق لە گرووپی یەكەمی پاڵاوتنی كیشوەری ئاسیا بۆ گەیشتن بەمۆندیالی 2014، لە تەك هەڵبژاردەكانی ئوردن، چین و سەنگافورە یاری دەكات، رۆژی 6ی ئەم مانگەش یاریی دووەمی لە دەرەوەی یاریگەی خۆی بەرامبەر سەنگافورە ئەنجام دەدات.