لة كۆنگره‌ يةكى ڕۆژنامه‌نوسی دا كه‌ له‌ نێو هۆڵی‌ كۆنگره‌گانی‌ یاریگای‌ سانتیاگۆ بیرنابێۆ بۆ خۆزییه‌ مۆرینهۆی‌ ڕاهێنه‌ری‌ یانه‌ی‌ ڕیال مه‌درید سازدرا بوو  بۆ یه‌كه‌م جاریش له‌م وه‌رزه‌دا به‌ فراوانی‌ كه‌وته‌ قسه‌ .
له‌ سه‌ره‌تای‌ كۆنگره‌ ڕۆژنامه‌نوسیه‌كه‌دا مۆرینهۆ به‌ توانجه‌وه‌ له‌ پای‌ ئه‌وه‌ی‌ گواردیۆلای‌ ڕاهێنه‌ری‌ به‌رشه‌لۆنه‌ وتبووی‌ به‌لێنی‌ هیچ نازناوێك بۆ یانه‌كه‌م ناكه‌م  ئه‌میش وتی‌ " ئێمه‌ وه‌ك ڕیال مه‌درید ئه‌مساڵ بۆ مانه‌وه‌ له‌ خولی‌ لالیگا یاری‌ ده‌كه‌ین و هه‌وڵی‌ به‌ده‌ستهێنانی‌ 40 خاڵ ته‌نها ده‌ده‌ین تاوه‌كو بتوانیین له‌ خوله‌كه‌ بمێنینینه‌وه‌".
مۆو زیاتر دواو سه‌باره‌ت به‌ یاریپێكردنی‌ سبه‌ی‌ ڕۆناڵدۆ له‌ دژی‌ لیڤانتێ ئاماژه‌ی‌ به‌وه‌دا تاوه‌كو ئێستا خشته‌ی‌ ته‌واوی‌ یاریزانه‌ سه‌ره‌كیه‌كانی‌ سبه‌ی‌ ته‌واو نه‌كردۆته‌وه‌ بۆیه‌ نازانێت یاری‌ پێده‌كات یاخود یه‌ده‌گ ده‌یهێڵێته‌وه‌ .
سه‌باره‌ت به‌ پشتگیری‌ قسه‌كانی‌ ڕۆناڵدۆش دژی‌ ناوبژیوانان  كه‌ دوای‌ یارییه‌كه‌ی‌ دینامۆ زه‌گرب گرتبووی‌ مۆو وتی‌ ، من ئێستا كۆت و به‌ندم له‌ لایه‌ن یه‌كێتی‌ تۆپی‌ پێی‌ ئه‌وروپیه‌وه‌ به‌ڵام با سزاكه‌م ته‌واو بێت ئه‌وا منیش دوو قسه‌ی‌ خۆم ده‌بێت .