]]>]]>لە رێوڕەسمی پێشوازیی شاندی یانەی پریسپۆرا جایاپۆرادا، سامان بریفكانى بەرپرسی راگەیاندن یانەی هەولێر و نوێنەرەیلی كۆڕبەندیی یانەكە و ژمارەیەك دەزگەی راگەیاندن ئامادەبوون.
دواى گەیشتنیان بۆ هەولێر، جاكسن تیاكۆرى بەرازیلی و راهێنەرى یانەی پریسپۆرا جایاپۆرای ئەندۆنیسیایی بە ئاژانسی كوردستان بۆ دەنگوباس (ئاكانیوز)ى راگەیاند، بۆ بردنەوە یارییەكە هاتووینە هەولێر و بڕیارمان داوە بگەینە قۆناغی چوارگۆشەى زێڕین، ئاماژەی دا یانەى هەولێر خاوەن ژمارەیەك یاریكەری باشە، بەڵام خاڵی یاریكردنی تیپەكەمان خوێندوەتەوە و پلانمان بۆ رووبەڕووبوونەوەكە داڕشتووە.
زیاتر گوتی، متمانەم بەیاریكەرەیلی تیپەكەمان هەیە و بارى دەروونییان زۆر باشە، ئاماژەی دا كە كەش و هەوای شارى هەولێر لەبارە بۆ تیپەكە.
لە یاریی چوونی قۆناغی 8ی تاسی یەكەتیی یانەیلی ئاسیا كە 13ی ئەم مانگە لە ئەندۆنیسیا هاتە ئەنجامدان، یانەى هەولێر دوور لە یاریگە و هاندەرانی توانی بەئەنجامی 2-1 گۆڵ لە یانەی پریسپۆرا جایاپۆرای ئەندۆنیسیایی بباتەوە.
بڕیارە سبەى سێشەم یانەى هەولێر لەگەڵ یانە ئەندۆنیساییەكە سات 18:00 بەكاتی ناوەخۆ لە یاریگەى فەرەنسۆ هەریری یاریی گەڕانەوە ئەنجام بدەن.
سامان بریفكانى بەرپرسی راگەیاندنی یانەى هەولێر بە (ئاكانیوز)ى راگەیاند، نیوەڕۆى ئەمڕۆ دووشەم سات 13:00 بەكاتی ناوەخۆ كۆنگرەى رۆژنامەوانى یارییەكە بۆ هەر دوو راهێنەر و كاپتنی یانەكە دێتە ئەنجامدان، دواتریش كۆنگرەى هونەری ئەنجام دەدرێ.
]]>