ئەمە داواكارى لاوێك بوو وەك هەموو لاوەكانى ئەم سەردەمە بەڵام ئاراستەى كەسێكى ئاسایى نەكرد بەڵكو ئاراستەى پاك ترین و زاناترین كەسى سەر زەوى كرد ئەم داوایەى ئاراستەى پێغەمبەرى خواى كرد صلى الله عليه وسلم ، پێغەمبەر صلى الله عليه وسلم یش بەم شێوەیە وەڵامى لاوەكەى دایەوە كە ئەبو ئومامە (خوا لێى ڕازى بێت) بۆمانى ئەگێڕێتەوە: لاوێك هاتە لاى پێغەمبەرى خوا صلى الله عليه وسلم پێى فەرموو: ئەى پێغەمبەرى خوا صلى الله عليه وسلم ڕیِگام بدە زینا بكەم، هاوەڵانى پێغەمبەریش چون بەگژیا و سەرزەنشتیان كرد و پێیان وت بێدەنگ بە بێدەنگ بە، پێغەمبەرى خوایش صلى الله عليه وسلم بەلاوەكەى فەرموو: نزیك بەرەوە لێم، لاوەكەش زۆر لێى نزیك بویەوە و لە تەنیشتى دانیشت، پێغەمبەرى خوایش صلى الله عليه وسلم بەلاوەكەى فەرموو:
ئایە پێت خۆشە كەسێكى تر ئەو كارە (زینا) لە گەڵ دایكت بكات ؟ لاوەكەیش فەرمووى: گیانم فیدات بێ پێغەمبەرى خوا سوێند بەخوا پێم خۆش نیە، پێغەمبەرى خوایش صلى الله عليه وسلم فەرمووى: بەهەمان شێوە خەڵكیش بۆ دایكیان پێیان خۆش نیە، پاشان فەرمووى: ئایە پێت خۆشە كەسێكى تر ئەو كارە (زینا) لەگەڵ كچەكەت بكات ؟ لاوەكەیش فەرمووى: گیانم فیدات بێ پێغەمبەرى خوا سوێند بەخوا پێم خۆش نیە، پێغەمبەرى خوایش صلى الله عليه وسلم فەرمووى: بەهەمان شێوە خەڵكیش بۆ كچەكانیان پێیان خۆش نیە، پاشان فەرمووى: ئایە پێت خۆشە كەسێكى تر ئەو كارە (زینا) لە گەڵ خوشكەكەت بكات ؟ لاوەكەیش فەرمووى: گیانم فیدات بێ پێغەمبەرى خوا سوێند بەخوا پێم خۆش نیە، پێغەمبەرى خوایش صلى الله عليه وسلم فەرمووى: بەهەمان شێوە خەڵكیش بۆ خوشكەكانیان پێیان خۆش نیە، پاشان فەرمووى: ئایە پێت خۆشە كەسێكى تر ئەو كارە (زینا) لەگەڵ خوشكى باوك و دایكت بكات ؟ لاوەكەیش فەرمووى: گیانم فیدات بێ پێغەمبەرى خوا سوێند بەخوا پێم خۆش نیە، پێغەمبەرى خوایش صلى الله عليه وسلم فەرمووى: بەهەمان شێوە خەڵكیش بۆ پورەكانیان پێیان خۆش نیە،
لە كۆتاییدا پێغەمبەرى خوایش صلى الله عليه وسلم دەستى خستە سەر سنگى لاوەكەو فەرمووى: خوایە لە تاوانەكانى خۆش بەو دڵیشى پاك بكەرەوە لەتاوان و لەداوێن پیسى بیپارێزە. لەپاش ئەم گفتوگۆ كورتە ئەم لاوە تا لەژیان بوو لاى بۆ هیچ تاوانێك نەكردەوە.