2011-12-25T20:38:17Z PunBB http://s21.me/ysm21/viewtopic.php?id=26732 dastt xoshbet

]]> http://s21.me/ysm21/profile.php?id=12627 2011-12-25T20:38:17Z http://s21.me/ysm21/viewtopic.php?pid=223695#p223695 الحمدلله، والصلاة و السلام على رسول الله و بعد
پەروەردگارا هەر تۆی جێگەی داواكاری و تكا بۆ وەڵامدانەوەی داواكانمان، كە چاكەی خۆت لەگەڵ بەندەكانت دەكەیت لە دونیا و دوا رۆژدا، سوددارمان بكە، بەرەكەتداری بكات لە هەرشوێنێك بێت، چونكە بەراستی بەرەكەتی مرۆڤ لە زانست و فێركردنی خەڵكیە لە كاتێكدا كە هەیبێت، یان ئامۆژگاری بۆ ئەو كەسانەی كە كۆبوونەتەوە لە دەوری، ئەوەتا خودای گەورە لە زاری مەسیحەوە علیە السلام دەفەرموێت: [وَجَعَلَنِي مُبَارَكًا أَيْنَ مَا كُنتُ ] (مریم: 31) واتە: موبارەكم بكە لە هەركوێیەكدا بووم. موبارەك بێت بەواتای: مامۆستا بێت بۆ خێر، بانگەوازكار بێت بۆ لای خودا، یادخەرەوەی زیكری خودا بێت، هاندەر و هەست جوڵێنەر بێت بۆ گوێرایەڵی ئەو... جا ئەمانەیە بەرەكەتداری پیاوێك یان ئافرەتێك.
جا بەڕاستی هەركەسێك خاڵی بێت لەم سیفەتانە، ئەوا خالیە لە بەرەكەت، بەڵكو بەرەكەت لە بینین و دانیشتن لەگەڵیدا نیە، بەڵكو بەرەكەت لەو كەسەشدا نامێنێت كە پێی دەگات و لەگەڵیدا دادەنیشێت، چونكە هەمیشە كات بە شتە بێ كەڵكەكاندا دەكوژێت و ئەمەش دڵ گەندەڵ دەكات.
جا بەراستی خەر ئافات و بەڵایەك كە ڕوو لە مرۆڤ دەكات هۆكارەكەی: كات كوشتن و گەندەڵی دڵە كە دەگەڕێتەوە بۆ ئەوەی كە هەقی خودای لەبەین بردووە و ئەدای نەكردووە، كە هۆكارە بۆ كەم و كورتی پلەی لای خودا، وە نزمبوونەوەی لای پەروەردگار، هەر لەبەر ئەمەیە كە هەندێك شێخ و زانایان لە وەصیەتەكانیاندا فەرموویانە: وریای تێكەڵی بن لەگەڵا ئەوانەی كە كات دەكوژن و دڵا گەندەڵ دەكەن، چونكە هەركات كات كوژرا و بەسەر برا،دڵیش گەندەڵ بوو، هەموو كار و بارەكانی بەسەر دەشكێنرێتەوە و دەبێتە ئەو كەسانەی كە خودا دەربارەیان دەفەرموێت: [ وَلا تُطِعْ مَنْ أَغْفَلْنَا قَلْبَهُ عَن ذِكْرِنَا وَاتَّبَعَ هَوَاهُ وَكَانَ أَمْرُهُ فُرُطًا ] واتە: گوێڕایەڵی ئەو كەسە مەكە كە دڵیمان غافڵ كردووە لە زیكر و یادمان – لە ئەنجامی خراپی خۆی – و شوێنی هەوا و ئارەزوو كەوت و ئیتر كارەكانی بە بادا درا.
جا داواكارم لە پەروەردگار بمانكاتە كەسی چالاك و بەهرەمەند و بەسوود.
لةبةهةشت وةركيراوة.

]]> http://s21.me/ysm21/profile.php?id=12720 2011-12-25T20:17:38Z http://s21.me/ysm21/viewtopic.php?pid=223672#p223672