]]>]]>هونەرمەند و ئەستێرەی ناسراوی سوری “جۆرج وسوف” رایگەیاند، کە پشتگیری تەواوی حکومەتەکەی بەشار ئەسەد دەکات وێرای ئەو هەموو قوربانیەی کە لە وڵاتەکەیدا بۆ رووخانی ئەو رژێمە هەیە.
جۆرج وسوف ئەمڕۆ لە لێدوانێکی بۆ رۆژنامەی “بۆچون”ی عەرەبی گوتوویەتی “رژێمەکەی بەشار ئەسەد باشترین رژێمە بۆ سوریاو پاراستنی هاونیشتمانەکانم، هەر بۆیە پڕ بە دڵ پشتگیری لەو حکومەتە دەکەم و داواش لە خەڵکی سوریا دەکەم پشتگیری مانەوەی بکەن”.
وسوف پێی وایە سوریا کەوتۆتە ژێر تەڵەی پلانی دوژمنان بۆ ئەوەی پرسی کێشەکانی فەڵەستین لە بیر بکرێن، هەر بۆیەش داوا لە جەماوەرەکەی دەکات لەگەڵ بەشار ئەسەد یەک دەنگ بوەستن.
جێی ئاماژەیە هونەرمەند جۆرج وسوف تا ئێستا دوو گۆرانی بۆ سەرۆکی وڵاتەکەی “بەشار ئەسەد” گوتووە.
نارەزایی و خۆپێشاندانەکان لە سوریا دژی رژێمەکەی ئەسەد بەردەوامەو تا ئێستا لە پێناو لە ناو چونی ئەو حکومەتە دانیشتوانی ئەو وڵاتە دەیان هەزار شەهیدیان داوە.
(کوردمیلۆدی)
]]>