تیمێكی‌ هاوبه‌ش له‌نه‌خۆشخانه‌ی‌ ڤیرتنه‌ریی زانكۆی‌ (مه‌لیك فه‌یسه‌ڵ) هه‌ستان به‌ئه‌نجامدانی‌ نه‌شته‌رگه‌رییه‌كی‌ سه‌ركه‌وتوو بۆ مریشكێك كه‌ یه‌كه‌م نه‌شته‌رگه‌رییه‌ له‌و جۆره‌ له‌سعودیه‌و ناوچه‌ی‌ كه‌نداودا ئه‌نجامده‌درێت.

له‌وباره‌یه‌وه‌ دكتۆر (ڕه‌مه‌زان عومه‌ر) سه‌رۆكی‌ تیمی‌ پزیشكی‌ پسپۆڕی‌ ڤێترنه‌ری ده‌ڵێت،"تیمه‌كه‌مان سه‌ركه‌وتوو بوو له‌ئه‌نجامدانی‌ نه‌شته‌رگه‌رییه‌ك له‌كۆئه‌ندامی‌ هه‌رسی‌ مریشكێكدا كه‌ مانگێك زیاتربوو به‌ده‌ست فیتقه‌وه‌ ده‌یناڵاند له‌ناوسكیدا، وایلێكردبوو نه‌توانێت خواردن بخوات".

به‌پێی‌ هه‌واڵه‌كه‌ی‌ ئه‌لئیتحاد، نه‌شته‌رگه‌رییه‌كه‌ 30خوله‌كی‌ خایاند‌و توانییان فیتقه‌كه‌ی بكه‌نه‌وه‌ ناوسكی‌‌و نه‌شته‌رگه‌رییه‌كی سه‌ركه‌وتوو بۆ مریشكه‌كه‌ ئه‌نجامبده‌ن.