[size=16] زۆرن ئەو گەنجە کوردانەی کە ناچار دەکرێن بەزۆر بچنە نێو ژیانی هاوسەرگیرییەکی نەخواستراو، “ئەرکان ئازاد”ی تەمەن ٣٠ ساڵیش یەکێکە لەو گەنجانەی کە دووچاری ئەو کێشەیە هاتۆتەوە.
ئەرکان ئێستا رۆمانێکی لە بارەی ژیانی خۆی نوسیووە، کە تیایدا باس لەوە دەکات چۆن لە تەمەنی هەرزەکاری بەزۆری خراوەتە ژێر پاڵەپەستۆی بە زۆر ژن هێنان لەگەڵ کچێکی خزمی، کێبەکەشی ئێستا بە زمانی سوێدی لە وڵاتی سوێد بڵاوکردۆتەوەو فرۆشییەکی بەرچاوی هەیە.
ئەرکان ئازاد لە لێدوانێکی تایبەت بە (کوردمیلۆدی)ی گوت “من لە تەمەنی ١٩ ساڵی خرامە ژێر پاڵەپەستۆی بەزۆر ژن هێنان و ناچار بووم لەگەڵ کچێکی خزمی خۆم بچمە ژیانی هاوسەر گیرییەوە، ئێستاش لەگەڵ ئەو کچە لە شاری ستۆکهۆڵم ژیان بەسەر دەبەم”.
ئەرکان لە بارەی کتێبەکە گوتی “کتێبەکە باس لە ژیانی راستەقینەو گۆرانکارییە کت و پڕەکانی خۆم دەکات، باس لەوە دەکەم چۆن کۆمەڵگای کوردی ئەگەر لە هەر شوێنێک بن فشار دەخەنە سەر نەوەکانی خۆیان و رێگە نادەن داهاتووی خۆیان بۆ خۆیان هەڵبژێرن، کتێبەش ناوی “شەوانی بێ ئەستێرە” یەو ئێستا لە سوێد بڵاوبۆتەوە”.

(کوردمیلۆدی)
ئامادەکردنی: نیان سەعدوڵا.
نووسیار: دەرباز یونس.[/size]