ئەوانەی بەپەلە نان دەخۆن زەحمەتێكی زیاتر دەخەنە سەر گەدەیان، لەچاو ئەوانەی بە هێواشی نان دەخۆن و بە ددانەكانیان و لیكی نێو دەمیان خواردنەكە لەت و پەت دەكەن و كاری گەدە ئاسان دەكەن. هێواشخۆرەكان خواردنێكی كەمتر لە پەلە خۆرەكان دەخۆن و سوودێكی زیاتریشی لێدەبینن.
لێكۆڵینەوەیەك لە زانكۆی رۆد ئایلاند، ئەوەی ئاشكراكردووە كە قەڵەوەكان خێراتر لە كەسانی ئاسایی نان دەخۆن، هەروەها رێژەی ئەوەی دەیخۆن زیاترە.
پەلەخۆرەكان 88 گرام خۆراك دەخۆن لە خولەكێكدا، لە كاتێكدا ئاسایی خۆرەكان 71 گرام دەخۆن و هێواش خۆرەكانیش 56.5 گرام خۆراك دەخۆن.
لێكۆڵینەوەیەكی دیكە ئاشكرای دەكات كە پیاوان بەخێراییەكی زیاتر لە ژنان نان دەخۆن، بەشێوەیەك پیاوان لە خولەكێكدا 80 یەكەی گەرمۆكەی خۆراكی دەخۆن، بەڵام ژنان لە هەمانكاتدا تەنها 56 یەكەی گەرمۆكەی خۆراكی دەخۆن، لێكۆلینەوەكە ئاماژەی بەوەشداوە كە سروشتی هەندێك خۆراك وایە زووتر دەخورێ لە خواردنی دیكە، وەك مەعەكەرۆنە و نانی سپی و پەتاتە.
ئەنجامەكانی لێكۆلینەوەكە پێشكەش بە كۆنگرەی لیژنەی قەڵەوی كرا لە ئۆرلاندۆی ویلایەتی فلۆریدا.