یانەی سەرهەنگ موحسین - بەرامبەربوون بە تامی بردنەوە بۆ بەرشلۆنە و بە تامی دۆڕان بۆ ڕیاڵ

وه‌ڵام: بەرامبەربوون بە تامی بردنەوە بۆ بەرشلۆنە و بە تامی دۆڕان بۆ ڕیاڵ

null@example.com (harman21) — Thu, 26 Jan 2012 14:32:38 +0000

هــه‌رئه‌وه‌نده‌م له‌ده‌ست دێت پیرۆزبـایی له‌ هــانده‌رانی ریـال مـه‌دریدبكه‌م كه‌ئه‌م جـاره‌ خۆش به‌خــتانه‌ نه‌دۆران به‌ڵام مـاڵئـاوایـان كــرد ئه‌مـه‌ش به‌هـه‌مـوو هـه‌ بوو

ده‌ست خۆش كۆسره‌ت

وه‌ڵام: بەرامبەربوون بە تامی بردنەوە بۆ بەرشلۆنە و بە تامی دۆڕان بۆ ڕیاڵ

null@example.com (شه‌ یدا) — Thu, 26 Jan 2012 11:33:11 +0000

[size=24]ده‌ سته‌ كانت خۆش كاكه‌ كۆسره‌ت بۆهه‌ڵواسینی ئه‌م بابه‌ته‌ هیوای سه‌ركه‌وتن بۆڕیال له‌ خولێكی تر:D[/size]

وه‌ڵام: بەرامبەربوون بە تامی بردنەوە بۆ بەرشلۆنە و بە تامی دۆڕان بۆ ڕیاڵ

null@example.com (SanyNaseh) — Thu, 26 Jan 2012 06:53:54 +0000

ده‌ست خۆش كۆسره‌ت

وه‌ڵام: بەرامبەربوون بە تامی بردنەوە بۆ بەرشلۆنە و بە تامی دۆڕان بۆ ڕیاڵ

null@example.com (K O S R A T) — Thu, 26 Jan 2012 00:05:36 +0000

چاوی ڕاستمی کاک سه‌هه‌ند

وه‌ڵام: بەرامبەربوون بە تامی بردنەوە بۆ بەرشلۆنە و بە تامی دۆڕان بۆ ڕیاڵ

null@example.com (سه‌هه‌ند) — Wed, 25 Jan 2012 23:50:57 +0000

یاریێکی خۆش بوو ، وه‌ک سه‌ردێری ئه‌و بابه‌ته.
ده‌سته‌کانت خۆش بێت کاکه‌ کۆسره‌ت.

وه‌ڵام: بەرامبەربوون بە تامی بردنەوە بۆ بەرشلۆنە و بە تامی دۆڕان بۆ ڕیاڵ

null@example.com (K O S R A T) — Wed, 25 Jan 2012 23:32:44 +0000

هههههههه‌ غه‌دری ناووبژیوان بووه‌به‌ربه‌ست له‌بردنه‌وه‌ی ڕیاڵ ئه‌مجاره‌ ڕاستیه‌کی حاشاهه‌ڵنه‌گره‌

وه‌ڵام: بەرامبەربوون بە تامی بردنەوە بۆ بەرشلۆنە و بە تامی دۆڕان بۆ ڕیاڵ

null@example.com (ياسين) — Wed, 25 Jan 2012 23:23:32 +0000

ئەو جارەی ڕیال گەمەکی باشی کرد بەس دەبا بنزیمە لەسەرەتاوە لە جێی هیگواین گەمەی بکردبا
دەست خۆش کاک کۆسرەت بۆ دانانی ئەم هەواڵە

بەرامبەربوون بە تامی بردنەوە بۆ بەرشلۆنە و بە تامی دۆڕان بۆ ڕیاڵ

null@example.com (K O S R A T) — Wed, 25 Jan 2012 23:18:46 +0000

ئەمشەو لە یاری گەڕانەوەی قۆناغی چارەگی کۆتایی جامی شای ئیسپانیا و لە کلاسیکۆ چاوەڕوانکراوەکەی سەر یاریگای کامپ نوو یانەی بەرشلۆنە میوانداری یانەی ڕیاڵ مەدریدی برینداری کرد .

لە یاری چووندا لە خاکی مەدرید بەرشلۆنە ٢-١ یارییەکەی بردبووەوە هەربۆیە پێویستی بەوە بوو لەم یارییەدا بە جیاوازی زیاتر لە گۆڵێک شکست بە یانەی خاوەن یاریگا بهێنن . ڕیاڵ سووربوو لەسەر ئەوەی سنورێک بۆ شکستە یەک لە دوای یەکەکان بهێنێت و بە گەیشتن بە قۆناغی داهاتوو گرێ کوێرەی بەرشلۆنە بکاتەوە . لە بەرامبەردا بلوگرانا بە پشت بەستن بە خاک و هاندەران یاری دەکرد بۆ قوڵترکردنی برینەکان و دووپاتکردنەوەی زلهێزی و باڵادەستی خۆی بەسەر ڕیاڵدا .

هاوشێوەی یاری قۆناغی چوون لە خولەکەکانی سەرەتادا ڕیاڵ باشتر دەبینرا و زیاتر لە جارێک نزیک بوو لە تۆمارکردنی گۆڵی یەکەم بەڵام گۆنزالۆ هیگواین و کریستیانۆ ڕۆناڵدۆ هەلەکانیان لەدەستدا .

لە خولەکی ٢٥ مەسوت ئۆزیل لە دەرەوەی ناوچەی سزا موشەکێکی ئاڕاستەی گۆڵی پینتۆ کرد و ستوونی گۆڵ ڕێگربوو لەبەردەم گۆڵی یەکەمی ڕیاڵ . پاشان لە خولەکی ٢٩ ئەندریس ئینیێستا بەهۆی پێکان یاریگای جێهێشت و پێدرۆ ڕۆدریگێز جێگای گرتەوە . هاتنی پێدرۆ نەهامەتییەکەی گەورە بوو بۆ ڕیاڵ و لە پاسێکی جوانی مێسی توانی گۆڵی پێشکەوتن بۆ بەرشلۆنە تۆماربکات لە خولەکی ٤٣ . دوای تەنیا ٣ خولەک لە گۆڵەکە ، لاسانا دیارا بە توندی لە لیۆنێل مێسی دا بە هەموو پێوەرێک شایستەی کارتی زەرد بوو کە دەبووە دووەم کارتی زەردی ئەو یاریزانە بەڵام ناوبژیوان تیکسێرا نەرمی نواندو تەنیا فاوڵی ڕاگرت . بەڵام ئەو فاوڵەش نەهامەتییەکەی تری بۆ ڕیاڵ هێنا و دانی ئەلڤێز بە لێدانی بەهێز دووەم گۆڵی بەرشلۆنەی تۆمارکرد و هیوای ڕیاڵی تەواو لاواز کرد بۆ نیوەی دووەم .

سەرەرای سەختی ئەرکەکەی ، ڕیاڵ مەرید لە نیوەی دووەمدا دەستەوەستان نەبوو دوای چەند گۆڕانکارییەکی زیرەکانە ڕیاڵ مەدرید کۆنترۆلی یاریگای گرتە دەست تاوەکو کریستیانۆ ڕۆناڵدۆ لە پاسێکی جوانی مەسوت ئۆزیل گۆڵی یەکەمی تۆمارکرد ئەم گۆڵە هیوای بۆ یانەی میوان گەڕاندەوە و زیاتر تینیان دایە بەرخۆیان بۆ تۆمارکردنی گۆڵی زیاتر و ئەوە بوو کەریم بنزیمە لە خولەکی ٧٢ توانی دووەم گۆڵی ڕیاڵ لە یارییەکەدا تۆماربکات . دوای ئەو گۆلە بەرشلۆنە ڕیزەکانیان یەکخستەوە و هەوڵی گۆڵی سێیەم و یەکلاییکردنەوەیان دا . پێش کۆتایی هاتنی یارییەکە ناوبژیوان دووەمی کارتی زەردی بەڕووی سێرجیۆ ڕامۆس بەرزکردەوە . هەوڵەکانی هەردوولا بێ هوودەبوون و یارییەکە هەر بەو ئەنجامە بەکۆتاهات و بەرشلۆنە لە قۆناغی پێش کۆتا ڕووبەڕووی براوەی یاری نێوان لیڤانتی و ڤالەنسیا
دەبێتەوە .

سـه‌رچاوه‌؛یاریگا