ده‌ست خۆش

دوو ڕۆژ له‌مه‌وبه‌ر و ساته‌وه‌ختی هاككردنی ماڵپه‌ری ئاژانسی لێکۆڵینەوەکانی فیدراڵی (FBI) ئه‌مریكی ، گروپی ئه‌نۆنیمۆوس به‌ڵێنی دابوو كه‌ ئه‌مڕۆ شه‌ممه‌ به‌رواری 28/1 ماڵپه‌ری فه‌یسبووك هاك بكه‌ن ، به‌ڵام به‌رپرسانی فه‌یسبووك ڕایده‌گه‌یه‌نێینن كه‌ ئه‌و گروپه‌ له‌ توانایان دانیه‌ ئه‌و كاره‌ بكه‌ن.

له‌ڕاگه‌یه‌ندراوێكی فه‌یسبووك كه‌ له‌ تۆڕی هه‌واڵی CNETبڵاو كراوه‌ته‌وه‌ ، ئاماژه‌ هۆكاری خاو(قورس) كرانه‌وه‌ی فه‌یسبووك ده‌دات له‌ چه‌ند وڵاتێكی جیهاندا .

فه‌یسبووك ده‌ڵێت : پاش كاتژمێر 12 ی شه‌وی ڕابردوو ، گروپی ئه‌نۆنیمۆوس هێرشه‌كانی خۆیان ده‌ست پێكرد و ئه‌مه‌ش بوه‌ هۆی ئه‌وه‌ی كه‌ به‌ زه‌حمه‌ت فه‌یسبووك بكرێـته‌وه‌ ، به‌ڵام شاره‌زا‌یان و به‌رپسانی فه‌یسبووك هه‌رزوو كه‌لێنه‌ ئه‌منیه‌كانان داخست و نه‌یانهێشت گروپی ئه‌نۆنیمۆوس كاره‌كه‌ ئه‌نجام بده‌ن ، ئه‌مه‌ش وای كرد كه‌ له‌ زۆر ولاتی جیهان فه‌یسبووك به‌ شێوه‌یه‌كی خاو بكرێـته‌وه‌، وه‌ به‌رپرسانی فه‌یسبووك  ئه‌ندامانیانی دڵنیا كردوه‌ كه‌ به‌ تواناكانیانت ده‌خه‌نه‌ گه‌ڕ بۆ هێشتنه‌وه‌ی فه‌یسبووك به‌ سه‌لامه‌تی .

جێگای ئاماژه‌ پێدانه‌ تۆڕی كۆمه‌ڵایه‌تی فه‌یسبووك گه‌وره‌ترین تۆره‌ له‌ جیهاندا و زیاتر له‌ 850 ملیۆن به‌كارهێنه‌ری هه‌یه‌ و واچاوه‌ڕوالن ده‌كرێـت له‌ كۆتاییه‌كانی ئه‌مساڵدا ، ڕێژه‌ی به‌كارهێننه‌رانی به‌رز بێـته‌وه‌ تا یه‌ك ملیار ئه‌ندام.

گروپی Anonymousكێن؟

كاره‌كانی گروپی " Anonymous" له‌ ڕووی هاككردنه‌وه‌ به‌ به‌هێزترین و به‌تواناترین گروپی هاك داده‌نرێـت له‌م ساڵانه‌ی دواییدا و ئه‌و كارانه‌ی ئه‌وان كردویانه‌ له‌وه‌و پێش نه‌كراوه‌ و به‌هێزترینیشیان هاككردنی ماڵپه‌ری پله‌ی سته‌یشن و پنتاگۆنی ئه‌مریكی بوو ، وه‌ دوێنێش ماڵپه‌ری ئێف بی ئای بوو ، ئه‌مه‌ جگه‌ له‌وه‌ی سه‌دان ماڵپه‌ری تری حكومیان له‌سه‌رانسه‌ری جیهان هاك كردوه‌.

شایه‌نی باسه‌ تا ئێستا ئه‌م گروپه‌ له‌و سه‌دان ماڵپه‌ره‌ی هاكیان كردو ، زیاتر له‌ 70 ماڵپه‌ری ناودار و جیهانی تێدابوه‌ و ساڵی پاریش ساته‌وه‌ختی بڵاوكردنه‌وه‌ی به‌ڵگه‌نامه‌كانی ویكلیكس ، هه‌ڵسان به‌ هاككردنی ماڵپه‌ره‌كانی Visa, Mastercard وە Paypal ،ئه‌مه‌ش له‌به‌ر ئه‌وه‌ی حساب بانكیه‌كانی جۆلیان ئاسه‌نگی خاوه‌نی ویكلیكسیان ڕاگراتبوو .