لەساڵی ٢٠٠٤ەوە بەھۆی نالەباری رەوشی ئەمنی لە عێراق و ھەرێمی کوردستان لە دەوروپشتی سەرجەم دەزگا حزبی و حکومییەکان دیوارێکی کۆنکرێتیان لە دەروپشتدا دروستکرا، دوای کۆبوونەوەی لیژنەی ئەمنیش لە دیوانی پارێزگای ھەولێر بڕیاری لادانی ئەو دیوارە کۆنکرێتیانە دەرچووەو ئەمرۆش بەسەرپەرشتی ھەمان لیژنە دەستکرا بە لادانی ئەو دیوارە کۆنکرێتیانە.
نیھاد قۆجە قایمقامی قەزای ھەولێر ئەوەیشی روونکردەوە , ئەمرۆکە ھەڵمەتەکە لە ھەولێر دەستپێکردووەو یەکەم شوێنیش کە دەستی پێکردووەو دیوارە کۆنکرێتییەکانی تێدا ھەڵگیراوە بەردەم رۆژنامەی خەبات و بارەگای مەڵبەندی سێیی یەکێتی نیشتیمانی کوردستانە لەناو شاری ھەولێر.
بەپێی وتەی نیھاد لەتیف قۆجە لەمەودوا ھەڵگرتنی ئەو دیوارە کۆنکرێتیانە بە قۆناغ دەبێت و ھەموو شوێنەکانیش دەگرێتەوە.
سهرچاوه:پهيچی ههولێڕ،فيس بوك
]]>