بۆ ئه‌وه‌ی تۆیان هه‌رزانفرۆش کرد

کاسه‌ی کچینی پڕ ئاره‌زووتیان

به‌تاڵ و بۆش کرد.

هه‌ر ده‌بێ بگری

بۆ خامه‌ی نه‌خش و په‌ڕی ژاکاوت

بۆ لێوی دوێنێ و بزه‌ی فه‌وتاوت

بۆ ئه‌و گه‌نجینه‌ی

که‌ سه‌نگ بوو هه‌تبوو

بۆ ئه‌و جوانییه‌ی له‌ ڕووتا ڕه‌تبوو.

هه‌ر ده‌بێ بگری

ته‌مه‌نی ماوت له‌ گریان پڕکه‌ی

له‌شت تێکه‌ڵی وه‌رزی مردنکه‌ی،

له‌ زریان سڕکه‌ی.

یه‌خه‌ی که‌س مه‌گره‌

مه‌ڵێ ئه‌وانه‌ی به‌ هه‌رزانیان دام

دڵیان چه‌په‌ڵ بوو،

قینی تێزابوو،

که‌وتمه‌ به‌ر ڕێژنه‌ی مه‌رامی ڕه‌شیان

ئه‌وه‌ هه‌ر خۆتبووی

هه‌موو کات و سات

له‌ هه‌ڵکشین بووی به‌ره‌و باوه‌شیان.

هیوا سه‌عید- هه‌ولێر[/center]