[size=24]ماندونه‌بی ده‌ سته‌ كانت خۆش جوانه‌[/size]

+ لیوناردو داوینچی بەر لەوەی گیانی دەرچێت گوتی ( من سووکایەتیم بە خەڵك کرد.بەرهەمەکانم نەگەیشتنە ئەو ڕادەیەی کە من بە تەمایان بووم )

+ توماس کارلایل ،مێژوو نووس و نووسەری سکۆتلەندی ساتێك پێش گیان لە دەست دانی گوتی ( درووست هەستی کەسێكم هەیە کە لە سەرەمەرگایە. )

+ ماری ئەنتوانت شاژنی فەرانسە لە ڕۆژی لە داردرانیدا زۆر لە سەر خۆ بوو، کاتێك کە هەڵدەزنایە سەر سەکۆی سێدارەکە لە ناکاو خلیسکا و پێ‌ی نایە سەر پێ‌ی ئەو کەسەی وا ئەیویست حوکمەکەی جێبەجێ کات.کەچی ڕووی لە کابرا کرد و پێ‌ی گوت ( تکایە بمبوورە ئەوەی کە ڕوویدا بە ئەنقەست نەبوو )

+ نرون ئیمپراتۆری ڕۆم بەر لەوەی بکەوێتە سەر عەرد هاواری کرد (  ئەکتەرێکی گەورە لە دەروونمدا دەمرێت )

+ واسلاو نیجنسکی، ئەناتول فرانس ، جوزیە گاریبالدی و جۆرج بایرۆن هەموویان بەر لە مردن وشەی ( دایك ) یان بە زاردا هاتووە.

+ فردریکی یەکەم، پادشای ڕووسیە لە سەرە مەرگا قەشەیەکی بە ڕاسەرەوە بوو کە دوعای بۆ دەخوێند. کاتێك فردرێك بیستی کە قەشە وتی ( مرۆڤ بە ڕووتی دێتە دونیاوە و بە ڕووتیش دونیا جێ دەهێڵێ ) دەستی قەشەکە ڕادەکێشێ و پێ‌ی دەڵێ : ( مافی ئەوەت نی‌یە بە ڕووتی بمنێژیت و ئەمەوێت بە یونیفرمی تەواوەوە بمنێژن )

+ فیودو تایچف ، شاعیری ڕووسی وتی ( چ ئەشکەنجەیەکە، ئەو کاتەی کە مرۆڤ ناتوانێت وشەیەك بۆ ئەو وەسفی ئەو حاڵەی کە تێیدایە بدۆزێتەوە. )

+ ئاگوست لومیر ، کە یەکێك لە کاشفانی کامێرای فیلم هەڵگرتنە گوتی لە سەرە مەرگا وتی ( خەریکە لە فیلمەکە ئەڕۆمە دەرەوە )

+ کەس نازانێ ئەلبێرت ئەنیشتاین لە سەرە مەرگا چی گوتووە ، چوونکە ئەو پەرەستارەی  کە لە تەنیشتیدا بوو زمانی ئەڵمانی نەدەزانی

+ تئودور داستایوفسکی لە ڕۆژی ٢٨ ی ژانویەی ساڵی ١٨٨١ دا کاتێك لە خەو ڕادەبێ وا هەست دەکا کە ئەو ڕۆژە دووایین ڕۆژی ژیانێتی. لە سەر قەرەوێڵەی ڕادەکشێ و چاوەڕێ دەکا تا هاوسەرەکەیشی لە خەو هەڵدەستێ ، سەرەتا ئانا ی هاوسەری بڕوا بە قسەکانی ناکات . بەڵام تئودور هەر لە سەر قسەی خۆی پێداگرە کە دەمرێت و داوای لە هاوسەرەکەی کرد کە بانگی قەشەیەك بکات. کە قەشە هات و دوعای بە ڕاسەری یەوە خوێند ، گیانی دەرچوو.

+ لئو تولوستوی دوواین ڕۆژەکانی ژیانی خۆی لە لادێ‌یەکدا لە نزیك وێستگەیەکی چووکی شەمەندەفەر  بە سەر برد. دوواین ڕستەیەك کە تولستوی لە سەرە مەرگا وتوویەتی ئەمە بوو کە ( من عاشقی حەقیقەتم ) . هندێك لە کەسە نزیکەکانیشی دەڵێن کە تولستوی بەر لەوەی دوواین نەفەسی دەرچێت وتوویەتی ، دەرك بە مەرگ ناکەم .

+ برنارد شۆ دەڵێت : حەز ئەکەم هەتا دوواین هەناسەی ژیانم کەسێکی بە کەڵك بم و ئەو کاتە کە هیچ کەڵکێکم نامێنێ ، بمرم.هەروەها دەڵێ : یەکێك لە سەیرو سەمەرەکانی مەرگ ئەوەیە لە کاتێکدا کە ئێمە خۆمان بۆ ژیانێکی شیرین ئامادە کردووە، ئەو دەماندۆزێتەوە.لە دوواین ساتەکانی ژیانیشیدا هەر ئەم قسانەی دووپات کردەوە.

+ موریس میترلینگ لە دووایین ساتەکانی ژیانیدا وتوویەتی : ئەگەر مەرگ نەبایە، ژیان چێژی نەدەبوو.

وەرگێرانی لە فارسی‌یەوە: ئەحمەد خوسرەوی[/size]