]]>]]>دوای ئەوەی لە ماوەی رابردوو، چەند لاپەڕەیەک لە فەیسبووک و هاوکات چەند ماڵپەڕێکی کوردی بڵاویانکردەوە گوایە لە کاتی سەردانەکەی بۆ شاری هەولێر، ئەستێرەی لوبنانی “نانسی عەجڕەم” لە لایەن بەرپرسێکی هەولێر ئیستیغلال کراوەو بەمەبەستی ئەنجامدانی سێکس لەگەڵیدا بڕی ٥٠ هەزار دۆلاری ئەمەریکایی پێشکێش کردووە، بەڵام ئەمڕۆ نووسینگەی فەرمی نانسی عەجڕەم ئەو هەواڵەی رەت کردەوە.
نووسینگەی فەرمی راگەیاندنی نانسی عەجڕەم لە بەیروتی پایتەختی لوبنان بە (کوردمیلۆدی)ی گوت “هیچ بەرپرسێکی هەولێر ئیستیغلالی نانسی عەجڕەمی نەکردووەو ئەو هەواڵانەی کە باس لەوە دەکەن گوایە بەرپرسێکی هەولێر لە بەرامبەر ئەنجامدانی سێکس بڕی ٥٠ هەزار دۆلاری ئەمەریکایی پێشکێش بە نانسی کردووە دوورن لە راستی”.
زیاتر گوتی “هاوکات رۆشتنی نانسی عەجڕەم بەو خێراییە لە هەولێری پایتەختی هەرێمی کوردستان بۆ ئەنجامدانی چەند کۆنسێرتێکی تر لە وڵاتانی عەرەبی دەگەڕێتەوە”.
لە چەند لاپەڕەیەکی فەیسبووک و هاوکات لە چەند ماڵپەڕێکی کوردی بڵاوکراوەتەوە، گوایە بەرپرسێکی هەولێر بڕی ٥٠ هەزار دۆلاری ئەمەریکایی لە بەرامبەر ئەنجامدانی سێکس پێشکێش بە نانسی عەجڕەم کردووە، هەر بەم هۆیەش بووە کە نانسی هەولێری بەو خێراییە بەجێهێشتووە.
(کوردمیلۆدی)
]]>