يان وه‌ك ئه‌لێن تيشكى رێكه‌وت
بروسكه‌يه‌ك له‌ ته‌ليسمى نيگاى تێكه‌وت
هات و به‌ر دل كه‌وت
وه‌ك ده‌رزى كاره‌با گه‌ستى
گرى تێ به‌ردا و كرۆشتى
خوێن و گۆشتى
به‌و داخه‌وه‌ له‌ ناخه‌وه‌ خۆشم ويستى
نهێنيه‌كه‌ شاراوه‌
خۆى له‌ ناو گيانا
له‌ هه‌ستا
له‌ ئه‌ستۆدا حه‌شارداوه‌
بۆ هه‌ر به‌ ته‌نيا تۆم خۆش ويست

خۆ ئه‌گه‌رچى
سه‌دان كچى
هه‌رزه‌ و گورچى
ترم ناسى له‌ پێش تۆدا
چرپه‌ى ده‌نگى
وشه‌ى شه‌نگى
گه‌لێك گه‌روى ناسكم بيست
له‌ پێش تۆدا
ئه‌ى بۆ؟!
بۆچى؟!!
خه‌نده‌ و ختوكه‌ و خه‌ده‌نگى
هيچ كاميكيانم خۆش نه‌ويست؟

كه‌چى كه‌چى
كه‌ تۆم بينى به‌ ملكه‌چى
زوو  له‌ئاستى
هه‌ست و خواستى
شتێكا ناديار دامام
گريام
گۆرام
رامام
سه‌رسام
وه‌كو ئێستام
هاتم هه‌ستام
نه‌ك به‌ ئه‌نقه‌ست
هه‌ر به‌ قه‌ستى
خۆشه‌ويستى
خۆشم ويستى

جمال شارباژێرى[/size][/center]