]]>خوێندمه‌وه ،ده‌ستت خۆشبێت
[size=20]تا ئیستا بیرتان لەوە کردۆتەوە کە شێوەی فریشتە چٶنە؟ ئەگەر کەسێك داواتان لێ بکات نیگاری فریشتەیەك بکێشن چۆن ئەم کارە دەکەن ؟
" کوربە" یەکێك لە نیگارکێشەکانی شێوازی " ریالیزم" لەمبارەیەوە دەلێت من ناتوانم نیگاری فریشتە بکێشم چونکە هەرگیز فریشتەیەکم نەبینیوە بەکام من وەکو راهێنەرێکی نیگارکێشی هەرگیز لەگەل وتەکی کوربەدا نەبووە لەبەر ئەوەش لەناو پۆلەکانمدا چەندین جار داوام لە قوتابیەکان کردووە کە وێنەی فریشتەیەکم بۆ بکێشن.
ئەو رۆژەش هەر ئەمەم لە قوتابیەکان داواکرد و ئەوان دەستیان کرد بە وێنە کێشان " رۆژین " یەکێك لەوانە بوو کە روحێکی زۆر ناسك و لەهەمانکاتدا ئازی هەبوو، ئەو لەو قوتابییە دەگمەنانە بوو کە کەسایەتی سەربەخۆی هەبوو ئەو زۆر کەم داوای رێنمایی لەمن دەکرد. ئەو رۆژەش بەر لەوەی وتەکانی من کۆتایی پێ بێت رۆژین پێنوسە رەنگییەکانی دەرهێناو دەست بەکاربوو، پاش چەند خولەکێك چوومە سەر هەریەك لە قوتابییەکان و جوابی پرسیارەکانیانم دایەوە، زۆربەی فریشتەکانی ئەو رۆژە کچانێکی رووگەش و جوان بوون کە جوتێك باڵی سپی لە ئاسماندا دەفڕین بەلام وێنەکەی رۆژین لەگەل هەموو وێنەکانی تر جیاواز بوو بەخۆمم وت " پێدەچێت ئەم جارە رۆژین بابەتێکی تری بۆ وێنەکێشان هەلبأردبێت" هەربۆیەش بە پەی بردن بەراستی چاوەرێی تەواو بوونی وێنەکەی بووم، بەرە بەرە پەڕی وێنەکێشییەکی رۆژین پڕ دەبوو لە دڵی سور کە لەناو کۆمەلێك خاڵی رەنگیدا هەوڵواسرابوون بە هێمنی پرسیم " رۆژین دەکرێ بلێت چیت کێشاوە؟ بە سەرسورمانەوە سەیری منی کرد وتی : دەی ئەمانە فریشتەن ئیدی!! "
ئەو رۆژە من وانەیەکی گەورە لە رۆژینی تەمەن ٩ ساڵ فێربووم ئەو فێری من کرد کە دڵەکانی دەورووبەرمان هەموویان فریشتەن! دڵە بێ خەوشەکان، پاك و جوان کە خوا پێی بەخشیونو هەرکات پێویستت پێیان بێت، لەگەل تۆدان ودێن بۆ یارمەتیت و بە پێچەوانەی وتەی کوربە، بە ئاسانی دەتوانی بیانبینی ، تەنها پێویستە کەمێك تێڕابمێنیت.[/size]