خوا بیانگرێ ان شاءالله‌ زۆر به‌داخه‌وه‌ بۆ ئه‌و میلله‌ته‌ دوا كه‌وتووه‌ی ئێمه‌!:|

HANA tv _BBC Kurdish
دوای بڵاوكردنه‌وه‌ی هه‌واڵی ئه‌وه‌ی كه ‌له‌ بازاڕی ( كورد سیتی) له‌ سلێمانی كامێراى نهێنی له‌ شوێنی خۆگۆرێنی ئافره‌تان له‌ دوكانێكی فرۆشتنی جل و به‌رگی ژنانه‌، ئاشكرابووه‌و خاوه‌ن دوكانه‌كه‌ ده‌ست به‌سه‌ركراوه‌، سه‌رچاوه‌یه‌كی باوه‌ڕپێكراو و ئاگادار به‌ ( HANA TV) راگه‌یاند كه‌ له‌ بازاڕی له‌نگه‌ی شاری هه‌ولێر ژماره‌یه‌كی زۆری دوكانه‌كانی فرۆشتنی جل و به‌رگی ژنان كامێرای نهێنیان داناوه‌و وێنه‌ی ئه‌وئ افره‌تانه‌ ده‌گرن كه‌ له‌وێ‌ جلی خۆیان ده‌گۆڕن.
ئه‌و سه‌رچاوه‌یه‌ كه‌ خاوه‌ن چه‌ند دوكانێكه‌ له‌ بازاڕه‌كه‌دا ته‌ئكیدی كرده‌وه‌ كه‌ خۆی یه‌كێك له‌و گرته‌ ڤیدیۆیانه‌ی بینیوه‌ به‌ده‌ست خاوه‌ن دوكانێكه‌وه‌و وتیشی چه‌ند خاوه‌ن دوكانێك خۆیان له‌لای ئه‌و وتویانه‌ كامێرایان به‌ نهێنی داناوه‌و به‌ وته‌ی خۆی داوای لێكردوون كه‌ ده‌ست له‌م كاره‌ هه‌ڵگرن به‌ڵام ئه‌وان ده‌ستیان لێ ‌هه‌ڵنه‌گرتووه‌. ئه‌و وتی:" ته‌نیا له‌یه‌ك كۆلاندا ئه‌وه‌ی من ئاگاداربم 3 دوكان كامێرای نهێنی داناوه‌."ئه‌م قسه‌یه‌ش به‌مانای ئه‌وه‌یه‌ ژماره‌ی ئه‌و دوكاناه‌ی كامێرا له‌ شوێنی خۆگۆڕینی ئافره‌تانداده‌نێن به‌ ده‌یان دوكان ده‌بێت.
هاناتیڤی زانیویه‌تیشی كه‌ ده‌ست بردن بۆ ژنان له‌و بازاڕه‌ به‌ رێژه‌یه‌كی یه‌كجار زۆره‌.
پێویسته‌ پۆلیسی ئه‌وشاره‌ به‌ شێوه‌یه‌كی له‌ ناكاوو به‌ جلی مه‌ده‌نیه‌وه‌ چاودێری ئه‌م مه‌سه‌له‌یه‌ بكه‌ن و هه‌موو ئه‌و دوكانانه‌ی فرۆشتنی جل و به‌رگی ژنان بپشكنن كه‌ گومان ده‌كرێت له‌ زۆرێكیاندا كامێرای نهێنی هه‌بێت.

تيبيني:من نازانم ئةم هةوالة تاجةند راست و دروستة.