لیستی گرنگترین ئەو ١٠ یاریزانەی لە یارییە نێودەوڵەتییەکانی ئەم هەفتەیە تووشی پێکان هاتن و بەهۆیەوە بۆ ماوەیەک لە یانەکانیان دادەبڕێن
- ئەلڤارۆ ئەربێلوا لە یارییەکەی نێوان ئیسپانیا و فەڕەنسا تووشی گرژبوونی ماسولکە هاتووە و پێناچێت بۆ یارییەکەی بەرامبەر سێلتاڤیگۆ ئامادەبێت. بەهۆی پێکرانی مارسێلۆ و کوێنتراو لەهەمان کاتدا پێکانەکەی ئەربێلوا کاریگەردەبێت بۆ ڕیآڵ مەدرید
- فابیۆ بۆرینی جگە لەو پێکانەی لە یارییەکەی نێوان لیڤەرپوول و مانچستەر یونایتدا تووشی هات. لەگەڵ هەڵبژاردەی ئیتاڵیای خوار ٢١ ساڵ دووبارە تووش هاتەوە و سێ مانگ دووردەکەوێتەوە. پێکانی بۆرینی لە کاتێکدایە لیڤەرپوول تەنیا سوارێزی هەیە وەک هیرشبەری سەرەکی.
- لویجی بوفۆن گۆڵپارێزە بەئەزموون و ناودارەکەی ئیتاڵیا بە ناچاری لە پێکهاتەی هەڵبژاردەکەی کشایەوە پاش پێکرانی لە یاری بەرامبەر ئەرمینیا. گومان هەیە لە بەشداریکردنی ئەو یاریزانە لە یارییە ئاگرینەکەی نێوان یۆڤانتۆس و ناپۆلی لە هەفتەی داهاتووی کالچیۆ
- کوێنتراو لە یەکەم یاری گەڕانەوەی بۆ یاریگاکان ، دووبارە لە یاری نێوان پرتوگال و ڕووسیا تووشی پێکان هات و نەهامەتییەکی دیکەی بۆ هێڵی بەرگری ڕیاڵ مەدرید زیادکرد.
- مارسێلۆی ئەستێرەی باڵی چەپی ڕیاڵ مەدرید بۆ ماوەی سێ مانگ دووردەکەوێتەوە لەدوای پێکرانی لە مەشقەکانی هەڵبژاردەی بەڕازیل . ڕیاڵ زۆر پێویستی بە گەڕانەوەی ئەربێلوا و کوێنتراو هەیە پاش بێ ئومێدبوونی لە چاکبوونەوەی مارسێلۆ بەمزووانە
- پیپی ڕیێنا لە خۆئامادەکارییەکانی ئیسپانیا بۆ یارییەکەی بەرامبەر فەڕەنسا توشی پێکان هات. ڕیێنا گۆڵپارێزی یەکەمی لیڤەرپوولە و بە دوورکەوتنەوەی گۆڵی ڕیدز بە ئاسانی پارێزراونابێت
- مارسێل شمیلزەر بەرگریکاری هەڵبژاردەی ئەڵمانیا و بروسیا دۆرتمۆند لە یارییەکەی بەرامبەر سوێد پێکرا و زەحمەتە لە یاری هەفتەی داهاتووی دۆرتمۆند لە بۆندزلیگا یاریبکات
- داڤید سیلڤا ئەستێرەی هەڵبژاردەی ئیسپانیا دوای تەنیا ١٠ خولەک یاریگای جێهێشت لە یارییەکەی بەرامبەر فەڕەنسا. سیلڤا توشی گرژبوونی ماسولکە هاتووە و لە یاری هەفتەی داهاتووی یانەکەی بەشدارنابێت
-ئاردا توران یەکێکە لە گرنترین یاریزانەکانی ئەتڵەتیکۆ مەدرید و لە یاری هەڵبژاردەی تورکیا پێکرا بۆ نزیکەی مانگێک دووردەکەوێتەوە
- ئارسن ڤینگەر بەلایەنی کەم بۆ دوو هەفتە لە تواناکانی تیۆ واڵکۆت بێ بەشدەبێت پاش پێکدادانی واڵکۆت و ئاڵدۆ سیمۆنسۆنی گۆڵپارێزی سان مارینۆ لە ڕۆژی هەینی ڕابردوو.
یاریگا نێت[/center]
]]>