ده‌ستت خۆش بۆ ئه‌م بابه‌ته‌
خوای گه‌وره‌ موسڵمانان بپارێزێت .

خه‌ندان-

زانایانی زانكۆی (ئیمپێریاڵ)ی به‌ریتانی رێگه‌یه‌كی نوێ ده‌دۆزنه‌وه‌ بۆ زانینی هه‌ڵگرانی ڤایرۆسی (HIV) له‌ له‌شی مرۆڤدا و تووشبوونی به‌ نه‌خۆشی كوشنده‌ی ئایدز، ئه‌م رێگه‌ نوێیه‌ زۆر له‌ تاقیكردنه‌وه‌ ئاساییه‌كان كاریگه‌رتر و هه‌رزانتره‌.

ئه‌م رێگه‌ نوێیه‌ به‌مه‌به‌ستی تاقیكردنه‌وه‌ گیراوه‌یه‌كی تایبه‌ت به‌كارده‌هێنێت كه‌ له‌گه‌ڵ سیره‌مدا (پێكهاته‌یه‌كی ناو خوێن) تێكه‌ڵده‌كرێت، ئه‌گه‌ر ئه‌و كه‌سه‌ هه‌ڵگری ڤارۆسه‌كه‌ بوو ئه‌وا گیراوه‌كه‌ ره‌نگی ده‌گۆڕێت بۆ ره‌نگی شین ، به‌ پێچه‌وانه‌وه‌ ره‌نگی سوور ده‌بێت.

گرنگی ئه‌م رێگه‌ نوێیه‌ ده‌گه‌رێته‌وه‌ بۆ كاریگه‌ری و هه‌رزانی له‌چاو رێگه‌كانی تردا، به‌ئه‌نجامدانی ئه‌م تاقیكردنه‌ویه‌ ده‌كرێت له‌ قۆناغێكی زۆر زووه‌وه‌ ڤایرۆسه‌كه‌ بدۆزرێته‌وه‌، هه‌روه‌ها ده‌كرێت به‌ ئاسانی له‌ لایه‌ن هه‌ر كه‌سێكه‌وه‌ ئه‌نجامبدرێت.

د. مۆڵی ستیڤنس به‌ڕێوه‌به‌ری توێژینه‌وه‌كه‌ به‌ سایتی ده‌یلی مه‌یڵی راگه‌یاند: "ئامانجه‌كانمان پێكا كه‌ تاقیكردنه‌وه‌یه‌ك به‌رهه‌مبهێنین كه‌ هه‌ستیار و هه‌رزان بێت و پێویستی به‌ هیچ ئامێرێكی گرانبه‌ها نه‌بێت."

له‌ ئینگلیزیه‌وه‌: ماردین عوزێری
سه‌رچاوه‌ و فۆتۆ: dailymail.co.uk
[/center]