له‌ (عیاص)ی كوڕی (حمار)ی (المجاشعي)یه‌وه‌ (خوای لێ ڕازی بێت) كه‌ پێغه‌مبه‌ر (صلی الله عليه وسلم) ڕۆژێكیان له‌وتارێكیدا فه‌رمووی: (بزانن كه‌ په‌روه‌ردگار فه‌رمانی پێكردووم، ئه‌وه‌ی كه‌ نازانن فێرتان بكه‌م له‌وه‌ی كه‌ له‌م ڕۆژه‌دا فێری كردووم. هه‌ر ماڵێك كه‌ خه‌ڵاتم كردبێت به‌ به‌نده‌یه‌ك ئه‌وه‌ بۆی حه‌ڵاڵه‌، من به‌نده‌كانی خۆمم هه‌موو له‌سه‌ر ڕێگای ڕاستی و یه‌كتاپه‌رستی دروست كردووه‌، كه‌چی شه‌یتانه‌كان هاتن بۆیان و له‌ دینی خۆیانیان لادان و، ئه‌وه‌ی بۆم حه‌ڵاڵ كردبوون حه‌رامیان كرد له‌ سه‌ریان، فه‌رمانیان پێكردن كه‌ هاوه‌ڵم بۆ دابنێن بێئه‌وه‌ی هیچ به‌ڵگه‌یه‌كم له‌سه‌ر ناردبێت، خوای باڵاده‌ست ته‌ماشای هه‌موو دانشتوانی سه‌ر زه‌وی كرد هه‌رهه‌موویانی لابێزرا چ عه‌ره‌بیان و چ عه‌جه‌میان مه‌گه‌ر كه‌مێك نه‌بێت له‌ پاشماوه‌ی خاوه‌ن كتێبه‌كان و، فه‌رمووی: (ئه‌ی موحه‌مه‌د من بۆیه‌ تۆم ناردووه‌ تا تۆ تاقی بكه‌مه‌وه‌ و كه‌سانی تریشت پێ تاقی بكه‌مه‌وه‌، من نامه‌یه‌كم ناردۆته‌ سه‌رتۆ كه‌ ئاو نایشواته‌وه‌، چ له‌خه‌ودا و چ له‌ بێداریدا ده‌یخوێنیته‌وه‌. هه‌روه‌ها خوا فه‌رمانی پێكردووم كه‌ قوره‌یش بسوتێنم [له‌ناویان به‌رم]. منیش وتم: په‌روه‌ردگار جا ئه‌گه‌ر وابكه‌م ئه‌وانیش وه‌كو نان سه‌رم كه‌رت و په‌رت ده‌كه‌ن، ئه‌ویش فه‌رمووی: (تۆیش ده‌ریانكه‌ وه‌ك چۆن ئه‌وان ده‌ریان كردی، له‌گه‌ڵیان بجه‌نگن ئێمه‌ یارمه‌تیت ده‌ده‌ین، تۆ سامانی خۆت ببه‌خشه‌ ئێمه‌یش پێتده‌به‌خشین له‌شكرێك بنێره‌ ئێمه‌ پێنجی وه‌ك ئه‌وت بۆ ده‌نێرین، به‌وانه‌ی كه‌ گوێڕایه‌ڵیت ده‌كه‌ن. بجه‌نگه‌ له‌گه‌ڵ ئه‌وانه‌ی لێت باخیبوون. فه‌رمووی: (به‌هه‌شتیه‌كان سیانن: كاربه‌ده‌ستێكی دادوه‌ری خێرخوازی سه‌ركه‌وتوو، پیاوێكی دلۆڤانی میهره‌بانی دڵ نه‌رم له‌گه‌ڵ هه‌موو خزم و دۆست و موسڵمانێكدا و كه‌سێكی خاووخێزانداری ده‌رونبه‌رزی بێنیاز له‌ خه‌ڵكی. فه‌رمووشی: (دۆزه‌خیه‌كانیش پێنجن ئه‌و زه‌بوون و لاوازه‌ی كه‌ هزروبیری نییه‌، ئه‌وانه‌ی كه‌له‌ نێوتاندا هه‌میشه‌ پاشكۆن، ماڵ و منداڵ و سامانیان ناوێت، ئه‌و خیانه‌تكاره‌یش كه‌ هه‌رچی بۆ ڕێكبكه‌وێت باكه‌میش بێت خیانه‌تی لێده‌كات. پیاوێكیش كه‌ به‌یانی و ئێواره‌ هه‌رده‌یه‌وێت بتخه‌ڵه‌تێنێ و له‌ماڵ و خێزانتا گزیت لێبكات- باسی ڕژدی یان درۆیشی كرد- هه‌روه‌ها كه‌ چ ڕه‌وشت و هه‌رزه‌گۆو به‌دكاریش).
ئا مده‌كردنی خۆم