پیرە پیاوەکان پرسیاریان کرد : ''ئایا پیاوی ئەو ماڵە لەماڵە''؟
ئافرەتەکە وەڵامی دایەوە: ''نەخێر''
پیرە پیاوەکان : ''کەوایە ناتوانین بێینە ژوورەوە''
ئێوارە کە هاوسەری ئافرەتەکە گەڕایە ماڵەوە، بە پیاوەکەی ووت کە چی ڕوویداوە.
هاوسەرەکەی ووتی :''بڕۆ پێیان بڵێ کە هاوسەرەکەم ئێستا لەماڵە و دەعوەتیان بکە''
ئافرەتەکە ڕۆیشتە دەرەوە و دەعوەتیانی کرد
پیرە پیاوەکان ووتیان: ''ئێمە بەیەکەوە نایەینە ژوورەوە''
ئافرەتەکە پرسی :''بەڵام بۆ ئاوا''؟
یەکێ لە پیرە پیاوەکان ڕوونی کردەوە : ئاماژەی بۆ یەکێ لە هاوڕێکانی کرد ووتی ناوی ئەمەیان ''سەروەت و سامانە'' وە ئاماژەری بۆ ئەوی تریان کرد ووتی ئەوەیان ''سەرکەوتنە'' و منیش ''خۆشەویستیم''.ئینجا ووتی : ''ئێستا بڕۆ ماڵەوە و لەگەڵ هاوسەرەکەت گفتوگۆ بکە بزانە کام لە ئێمەت ئەوێت''؟
ئافرەتەکە رۆیشتە ژوورەوە و بە هاوسەرەکەی ڕاگەیاند،هاوسەرەکەی لەڕادەبەدەر خۆشحاڵ بوو !! ووتی :چەند خۆشە! مادام وایە با ''سەروەت و سامان'' دەعوەت بکەین.با ئەو بێت و ماڵەکەمان پڕ سەروەت و سامان ئەکەین!''
خێزانەکەی ناڕازی بوو بەمە و ووتی : ''ئازیزەکەم بۆ ''سەرکەوتن'' دەعوەت نەکەین؟''
نەوەکەیان لەلایەکی ژوورەکەوە گوێی لە قسەکان بوو ،ڕایکردە لایان بە پێشنیاری خۆیەوە :''باشتر نیە کە''خۆشەویستی'' دەعوەت بکەین؟ ماڵەکەمان پڕ دەکەین لە خۆشەویستی!''
هاوسەرەکە بە خێزانەکەی ووت :''با گوێ لە ئامۆژگاری نەوەکەمان بگرین ، بڕۆ دەرەوە و بانگی 'خۆشەویستی' بکە با ببێ بە میوانمان''
ئافرەتەکە رۆیشتە دەرەوە و لەسێ پیرە پیاوەکەی پرسی:'' کام لە ئێوە 'خۆشەویستیە' ؟ تکایە با ئەو ببێ بە میوانمان''
'خۆشەویستی'هەڵسایەوە و دەستی کرد بە رۆیشتن بەرەو ماڵەکە، دوو پیاوە پیرەکەی تر لەگەڵی هەڵسانەوە و دوای کەوتن.ئافرەتەکە سەری سوڕما پرسی : ''سەرکەوتن و سەروەت و سامان'' من تەنها ''خۆشەویستی''ـم دەعوەت کرد بۆ ئێوە دێن؟
دوو پیرە پیاوەکە وەڵامیان دایەوە:''گەر تۆ 'سەروەت و سامان یان سەرکەوتنت' دەعوەت کردبا دوانەکەی تر لە دەرەوە ئەمانەوە،بەڵام چونکە خۆشەویستیت دەعوەت کرد ئەو بۆ هەرکوێ بڕوا ئێمە لەگەڵ ئەو ئەڕۆین، خۆشەویستی لە هەر کوێ بێت سەرکەوتن و سەروەت و سامان لەوێ هەن!!!!''
کەوایە با ماڵەکانمان،خێزانمان ، کارمان ،، یەکەمجار لەسەر ڕەگی خۆشەویستی بنیات بنێین 