* ڕەخنەی یەکەمت تا ڕادەیەک دروستە، بەڵام لە ئەدەبیاتدا ڕێگا بە زەرورەتی شعری دراوە لە پێناو کامل کردنی شیعرێک.
* ڕەخنەی دووەمت: ئەو ئاسمانە چواندنە، یاخود هەر شتێکە کە خوێنەر خۆی بیەوێ پێی بچوێنێت.

* ڕەخنەی سێیەم: جوان بیخوێنەوە خارە گیان " لەگەڵ " نییە " لە کەل "ە، واتە کەلی چیا کە خۆر لێیەوە ون دەبێت.

چاومانی ...

- ئه‌و (خۆر ئاوابوونه‌) زیاده‌یه‌! پێویستی به‌ پێناسه‌یه‌كی وا نیه‌. ئاخر مه‌گه‌ر ده‌مه‌و ئێواران شتێكی تره‌ جگه‌ له‌ ئاوابوونی خۆر؟!

- سه‌باره‌ت به‌ دێڕی دووه‌م: خۆر كه‌ لێره‌ ئاوا ده‌بێت زانیمان تۆوته‌نی (ئاسمان شیوه‌نی تاریك بوونیه‌تی) ئه‌ی خۆ هاوكات كه‌ له‌ودیو هه‌ڵدێ، له‌وێ ئاسمان سه‌مای ڕووناك بوونیه‌تی. بۆیه‌ ده‌بوو ئاسمان له‌م دێڕه‌دا دیاری بكرێ به‌ دڵ، شار یان وڵات.

- وشه‌ی (له‌گه‌ڵ) بۆ ئه‌و شوێنه‌ هه‌ڵه‌یه‌. "لێ" دروستتره‌!

- له‌سه‌روی هه‌مووشیانه‌وه‌ ته‌واوی نووسینه‌كه‌ت دووباره‌ بوونه‌وه‌ی یه‌ك دیمه‌نه‌!

زۆر جوانه‌ کاک سیروان به‌خێرهاتیه‌وه‌ برام بۆیانه‌ ده‌ستت خۆش

دەمەو ئێواران خۆر ئاوابوونە
ئاسمان شیوەنی تاریکبونیەتی
بەدەم هەنسکی ماڵئاواییەوە
شەوی دەیجورە و پشکۆ دڵیەتی
*
دڵەی سیاپۆش نابینێ ئۆقرە
گەر سیمای ڕۆژی لە کەل ئاوابێ
چۆن بۆ مەرگی نور ناگێڕێ پرسە،
پەردەی زوڵمەتی بەسەر چاوا بێ؟!
*
ئای بۆ سەحەرێک کە ئەبەدی بێ
شەقایق هەردەم بزە بۆ خۆر کا
خۆریش بە هەستی پڕ میهر و سۆزی
کڵپە لە سینەی عاشق ڕەها کا
*
سپێدەیەکی پڕ گۆرانییە
شەقایق بۆ خۆر هاتۆتە سەما
زەردەی خۆرنشین چەندە سامناکە
خەیاڵی مەرگ دێنێ بەسەرما
*
خۆزگە ئەمتوانی بەری بەیانان
خۆری ئومێدت بۆ بوەستێنم
لە ڕەنگاڵەیی قەوس و قەزەحدا
پەیکەری باڵات بۆ بنەخشێنم
*
باڵات درەختی سەوزی بەهارە
چۆن دەستی پاییز هەڵیوەرێنێ!؟
چۆن موچڕکەی خەزانی ڕۆحم
جوانی لە لەپی بەهار دەربێنێ؟!
*
تاکە تروسکەی ئاسمانی رەشپۆش
ئەستێرەیەکە مات و گڕگرتوو
ژیلەمۆی ئەویش ببیتە خۆڵەمێش
کێ بگری بۆ، عومری بابردوو؟
*
بەسەر تابوتی خۆشبەختی منا
ئەمشەو چاوانم دوا تنۆکیان ڕشت
کڕێوەی هەناسە و گڕکانی دەروون
دوایین بزەی، منداڵێمی کووشت....

سیروان عەباس

.