یانەی سەرهەنگ موحسین - نیمه‌ هه‌واڵێ

وه‌ڵام: نیمه‌ هه‌واڵێ

null@example.com (ڕابه‌ر سلێمانی) — Tue, 05 Nov 2013 22:44:12 +0000

زۆر سوپاس کاپتن گیان ان شاء الله‌ به‌رده‌وام ئه‌بم له‌م یانه‌ جوانه‌ ، مه‌گه‌ر مه‌رگ لێکمان بکا له‌گه‌ڵ ئه‌م یانه‌ جوانه‌ ، بۆ شعره‌که‌ش من له‌ خزمه‌تام زوو زوو شعره‌کانیان به‌رچاوم ئه‌که‌ون منیش حه‌ز ئه‌که‌م هه‌نێکی لێره‌ دابنێم به‌ خۆشحاڵیه‌وه‌ ته‌بعه‌ن

وه‌ڵام: نیمه‌ هه‌واڵێ

null@example.com (Sarhang Muhsin) — Tue, 05 Nov 2013 22:38:49 +0000

سوپاس بۆ به‌ژداریت له‌ ysm21، به‌هیوای به‌دره‌وام بوون.
كێشه‌ی من ئه‌وه‌یه‌ كتێبی هیچ شاعیرێكم نه‌خوێندۆته‌وه‌ بۆیه‌ ناسینه‌وه‌م بۆ هیچ له‌وانه‌ نیه‌ تا نه‌بینم نووسرایه‌ شیعری فلانه‌ كه‌س. دووباره‌ سوپاس به‌ئاشناكردنمت به‌و شیعره‌.

نیمه‌ هه‌واڵێ

null@example.com (ڕابه‌ر سلێمانی) — Tue, 05 Nov 2013 22:32:05 +0000

نیمه‌ هه‌واڵێ له‌ گۆشه‌ی بێکه‌سی دا خه‌م نه‌بێ
چاکه‌ ئه‌و لێره‌ش وه‌فای هه‌ر ماوه‌، سایه‌ی که‌م نه‌بێ

لاپه‌ڕه‌ی ژینم هه‌موو هه‌ڵده‌یته‌وه‌ تێیدا نییه‌
باسی فرمێسک و هه‌ناسه‌ وشیوه‌ن و ماته‌م نه‌بێ

ڕۆژگاری سپڵه‌ بۆ من بۆسه‌یه‌کی نایه‌وه‌
نه‌مدی هه‌ر تیرێکی ده‌یهاوێ، به‌ره‌و سینه‌م نه‌بێ

ڕه‌نجی دووری دلبه‌رم بۆ کوشتنی من کافی یه‌
گه‌ر له‌ دنیادا ئه‌من هیچ مه‌ینه‌تێکی دیکه‌م نه‌بێ

کوا ده‌زانێ چه‌ند په‌رێشان و په‌شێوه‌ حاڵی من ؟
ئه‌و که‌سه‌ی گیرۆده‌یی ئه‌گریجه‌ و په‌رچه‌م نه‌بێ

ڕه‌مزی دڵداری له‌ زینێ فێر نه‌بوو یارم ده‌نا
کوا ئه‌وینداری وه‌فاداری وه‌کو من، مه‌م نه‌بێ ؟

کیژی شاریمان له‌خۆی وه‌رگرتووه‌ چارشێوی ڕه‌ش
داخه‌که‌م نه‌مدی له‌وێ مانگێکی ده‌وره‌ی ته‌م نه‌بێ

شادی جارێکی به‌ میوانی نه‌هاتۆته‌ دڵم
ڕه‌نگه‌ خه‌ڵوه‌تخانه‌یی خه‌م شوێنی نامه‌حره‌م نه‌بێ

خۆم ده‌سووتێنم هه‌تا به‌زمی خه‌ڵک ڕۆشن بکه‌م
کێ له‌ ڕێی خه‌ڵکا وه‌کوو شاعیر ده‌سووتێ، شه‌م نه‌بێ

هێمن