سه‌ركه‌وتوبی دیلمان گیان

ته‌مه‌نی بێ نازم ئه‌روا
تۆش بێ ده‌نگ بوویتی
له‌ وه‌رینی گولی هیوام
منی بێ ناز كه‌وتوم
نامۆییت وێڵی كردووم
چه‌ند پڕ له‌ زامه‌ دووریت
چه‌ندیش به‌سۆیه‌ غه‌ریبیت
منی مات و مه‌لوول
ده‌ست وه‌چان راوه‌ستاوم
بۆ پێشوازی له‌ ده‌روازه‌ی عه‌شقت
گیانه‌ ، من به‌رگه‌ی دووریت ناگرم
تۆ وه‌ك هه‌ناسه‌ی ، من بێ تۆ مردووم
كاتێ ئه‌ڕوانمه‌ ئاسۆی ئێوارانت
خۆم ده‌بینم له‌ نغرۆبونی دواین هه‌نگاوت
زۆر ئه‌ترسم له‌ دوادیداری ماڵئاوایی سه‌فه‌رت
له‌وه‌ی چاره‌نووسی ژیانم گشت وه‌رزی پاییز بێت
ناخم ، دڵم ، پڕن له‌ خه‌می چاوه‌روانیت
ئه‌مانه‌ هه‌مووی باعیسی دوریتن
ببارێنه‌و ، بگه‌ڕێوه‌
ببارێنه‌ بارانت بۆ ناو كانیاوه‌ پر له‌ حه‌سره‌ته‌كه‌م
بگه‌ڕێوه‌ بۆ هه‌وارگه‌ی مه‌می عه‌شقت
تۆ ، كه‌ ئه‌زانی دڵ بێ تۆ ئۆقره‌ ناگرێت
بۆ  منێكی پاك ئه‌سیر ئه‌كه‌یت به‌ وون بوونی خۆت
به‌لام گیانه‌ من تاكه‌ی وا په‌رێشانت بم
هه‌تاكه‌ی ئه‌و ئازاره‌ی من پێی په‌ستم
پشكۆی زامی دابڕانت بێ

ئه‌میر زه‌نگه‌نه‌