لەبن هەر دارێک لا ئەدەم

بە باوەش درۆی لێ ئەبارێ

نازانم

من شێت بووم

یان دنیا بۆنی ئاخیرەی لێ دێ

بەس زارت لەم ڕووبارە وەر بدە

ڕێ لە کۆچی ماسی یەکان بگرە

کە بەکۆمەڵ بۆ کۆشی هەوور دەڕۆن

بەدوو ئیلهامی باران کەوو توون

دەریا بە دەمت پیس نابێ

بەس لە بۆنت

شەپۆلەکان بێزار ئەبێ

دەستم بەرێ با ئاشت بینەوە

ئەم دنیایە

جێگەی شەڕی من و تۆی تیانابێتەوە

ها جەستەم لەت لەتی کە

چاوی توینوو تی پێ تێر بکە

بەس دڵنەوایی گووڵە ڕەش پۆشەکان بەرەوە

کە لەترسی سەر بڕین

جوانی خۆیانیان شاردۆتەوە

وەرە ئینسان با ئاشت بینەوە

دنیا شەکەت و ماندووە

ئەم بارە تاوانە مەدە بە کۆڵیا

لەسەر سەکۆی بەرزی خەیاڵت

وەرە خوارێ

هاوار مەکە بەم گەردوونە

بەم گەردوونە درۆ ئەکەیت

گەر سوێند بخۆیت

ڕاستیت خەوونەوو بوونی نیە

لە خەوی درێژت ڕا چەنە

ئەم دنیایە هووتێل نیە

دەرگا ئاوەڵاو

حەووشەی قەبر چاوەڕێ یە

ژیانی سەر مەدی بۆ کەس نیە

دەستت بێ نەوو با ئاشت بینەوە

ئەم هەموو شەڕوو کووشتارە بۆچی یە

دنیا کانی ئەوینە

دەست نوێژت بە تاوان مەشکێ نە

وەرە ئینسان

دەستم بەرێ با ئاشت بینەوە

وەڕین کوا پیشەی مرۆڤە

لە ڕووباری تەووبە خۆت هەڵ کێشە

بەر لەوەی بۆنی ووشەت

لە ژوورەکانی پشت پەردەی ترسەوە

بێتە گۆڕێ

ئەووسا پەشێمانی دادت نادات

تیشکی خۆر

کوا بە بێژنگ  ئە گیرێ

دڵ نیابە

لە بیرت ئەنێن

لەبری (الحەد ) بەردی (ڕەجمت ) بۆ دا ئە نێنن
...........................

بەشێکە لە قەسیدەی گەردوون

بیرەوەری یەکانی نامۆ
................................................

ژیان خۆشە

نازانم هەڵەی کێ یە

وا پڕ کرا لەم هەموو نەخۆشە

..............................................

  نوسه‌ر(( نامۆ))