[size=16]
توێژینه‌وه‌یه‌كى نوێى ئه‌مریكى كه‌ چه‌ند توێژه‌رێكى به‌شى به‌رهه‌مه‌ كشتوكاڵیه‌كان له‌
زانكۆى "كنساس"ى ئه‌و وڵاته‌ ئه‌نجامیانداوه‌، ئه‌نجامه‌كانى ئه‌و توێژینه‌وه‌یه‌ سودو بایه‌خه‌كانى
گوڵ‌و رووه‌كه‌كانى ده‌رخستووه‌ له‌ چاكبوونه‌وه‌و گه‌ڕانه‌وه‌ى بارى ته‌ندروستى ئه‌و نه‌خۆشانه‌ى
نه‌شته‌رگه‌رى هه‌ناوى قورسیان بۆ كراوه‌.
توێژینه‌وه‌كه‌ ئه‌وه‌شى ده‌رده‌خست كه‌ به‌ڵگه‌ى به‌هێز هه‌یه‌ بۆ ئه‌وه‌ى به‌كارهێنان‌و مامه‌ڵه‌ى راسته‌وخۆى
نه‌خۆشه‌كان له‌گه‌ڵ گوڵ‌و دانیان له‌ به‌شه‌كانى نه‌خشخانه‌كان به‌تایبه‌تى قاوشه‌كانى چاكبوونه‌وه‌ سوودبه‌خشه‌
بۆ نه‌خۆشه‌كان، جا بۆ چاكبوونه‌وه‌یان یاخود كه‌مكردنه‌وه‌ى ئێش‌و ئازاریان‌و دوورخستنه‌وه‌ى دڵه‌ڕاوكێ‌و دڵگرانیان.
جێى ئاماژه‌یه‌، ئه‌و توێژینه‌وه‌یه‌ له‌سه‌ر 90 نه‌خۆش ئه‌نجامدراوه‌ كه‌ هه‌ریه‌كه‌یان نه‌شته‌رگه‌رى رێخۆڵه‌ كوێره‌یان بۆ كراوه‌ ،
ده‌ركه‌وت به‌ دانانى گوڵ له‌ قاوشى ئه‌و نه‌خۆشانه‌‌و بینیى راسته‌وخۆیان بۆ دیمه‌نه‌ پڕ جوانى‌و سه‌رنجڕاكێشه‌كانى گوڵ،
رێژه‌ى به‌كارهێنانى حه‌بى ئازار لاى ئه‌و نه‌خۆشانه‌و له‌و ماوه‌یه‌ى كه‌ بۆ چاكبوونه‌وه‌ له‌ نه‌خۆشخانه‌كه‌ بوون ورده‌ ورده‌ روو له‌ كه‌میبووه‌،
هه‌روه‌ها به‌رزى په‌ستانى خوێنیشیان كه‌میكردووته‌وه‌، سه‌ره‌ڕاى ئاسایبوونه‌وه‌ى رێژه‌ى لێدانى دڵیان‌و دوورخستنه‌وه‌ى دڵه‌راوكێ په‌شێوى له‌ لایان.

کوردسات
[/size]