[size=20]
پێناسە فەیلەسوفێك.

جگەرە: پێچراوەیەكی تووتنە كە ئاگر بە سەرێكیەوەیە و سەرەكەی تریشی نەگبەتێكی لێیە.

سیاسەت: هونەری بەشكردنی دەستكەوتەكانە و هەریەكەش لە ئامادەبووەكان وا هەست دەكات كە بەشی زۆرینەی بەركەوتووە.

ژووری كۆبوونەوە: ئەو شوێنەیە كە هەموو ئامادەبووان تیایدا قسە دەكەن و دواتر دژ بە هەموو بڕیارەكان دەوەستنەوە.

زەردەخەنە: چەمانەوەیەكی لچ و لێوە كە هەموو چەوتەكان راست دەكاتەوە.

هتد: هێمایەكە وا لە بەرامبەرەكەت ئەكات كە گوایە زۆر زیاتر دەزانیت لەوەی وتوتە.

شارەزایی: ئەوەیە كە لە هەڵە كۆنەكانتەوە فێری بوویت.

دبلۆماسی: ئەو كەسەیە كە داوات لێدەكات بچیتە دۆزەخ بە شێوازێك كە پەلەت بێت بۆ ئەو چوونە.

دبلۆماسییەت: جێبەجێكردنی قێزەونترین و ناشیرنترین كردارە لەژێر پەردەی ناسكی و زمانلووسی.

تاوانبار: كەسێكە وەك هەمووان، تەنها جیاوازیشی ئەوەیە كە بە تاوانەكەیەوە گیراوە.

خوێندەڤانی تەمەڵ: ئەوەیە كە یەكەمی پۆلەكەیەتی ئەگەر تەنیا هەر خۆی لەو پۆلەدا بێت.

هاوسەرگیری: تاكە مەوزوعە كە هەموو ژنان لەسەری كۆكن و هەموو پیاوانیش لەسەری رێكناكەون.

زمانلووس: ئەوەیە كە وەسفی كەسێك بكات بەو شێوازەی كە ئەو كەسە خودی خۆی دەبینێ.

تەمبەڵی: بریتییە لە ئیسراحەتكردنی پێش گەیشتن بە ماندووبوون.

لەخۆبایی بوون: ئەو تەیرەیە تا بەرزتر بفڕێت ئەوا بچووكتر دەبینرێت.

دەروونناسی: زانستێكە باسی ئەو شتانەت بۆ دەكات كە خۆت دەیزانی، بەڵام بە بەكارهێنانی چەند وشەیەك كە لێیان تێناگەیت.

جوانی: وێنەیەكی فۆتۆگرافییە بە تێپەڕبوونی ساڵ دەبێتە وێنەیەكی كاریكاتێری.

مێردی زاڵم: ئەو پیاوەیە كە داوا لە ژنەكەی دەكات ئەوپەڕی لێبوردە بێت بۆ ئەوەی لە هەڵەكانی مێردەكەی خۆش بێت.

مێردی نەرمونیان: ئەوەیە كە رۆژی لەدایكبوونی ژنەكەی بیرناچێتەوە و ناشزانێت تەمەنی چەندە.

تۆڵەسەندنەوە: وەك ئەوەیە گاز لە سەگێك بگرێت چونكە ئەو گازی لێگرتوویت.

ژیان: شانۆگەرییەكی كۆمیدییە بە تراژیدیا كۆتایی دێت.

سۆز: گەورەترین دەستمایەیە و زۆربەشمان بەكاری ناهێنین.

ماچ: ئەو دیارییەیە كە وەرمانگرت یەكسەر دەیدەینەوە بە خاوەنەكەی.

گۆڕهەڵكەن: پیاوێكە رزقی لەسەر دەرچوونی رۆحی خەڵكییە.

دكتۆر: ئەوەیە كە رزقەكەی كەوتووەتە سەر ئادارەكانی خەڵكی.

پارێزەر: ئەوەیە كە رزقەكەی كەوتووەتە سەر كێشەكانی خەڵكی.

فەیلەسوفیش: گەمژەیەكە تا لە ژیاندایە دەناڵێنێ، كە مردیش ئینجا دەناسرێ.[/size]