[size=18] سەفەر بەسە ئازیزەکەم بگەڕێوە هەتا قوڵفەی پەنجەکانم مەچەکیان هەڵنەوەشاندووم. سەفەر بەسە  خۆشەویستم بگەڕێوە وا دوو دەستم ئەژنۆکانمی لێ ئەستاندووم. سەفەر بۆ کوێ هەڵیگرتووی کە ناهێڵێ ئاوڕ بدەی  ؟ وا ناهێڵێ لە پێناسەی غەریبی خۆت یادێک بکەی؟ ئاخر خۆ من تەزبێح نەبووم لە میوانی لە بیرم کەی! ئاخر خۆ من  دەستکێش نەبووم هەر وا سادە لە دەستم دەی ! ئاخر خۆ من ملپێچ نەبووم کەمتەر خەمێک ونم بکەی! کوا بڕیارت کە  پێت دابووم لە گەڵ خۆت بۆ سەفەر بمبەی؟! زۆر لە خۆمدا بۆ تۆ گەڕام، ناتدۆزمەوە، چونکە تۆ نەغمەی بێدەنگی و  گیانی ساردم ئەلاوێنی ... ناتبینمەوە و کەچی هەردەم لە ناخمەوە ئەمهەژێنی... بابە گیانم لەو کاتەوە خۆت دایە  دەست بزەی بەیان ، من بوومە پێناسەی کۆچ و بوومە سەرچاوە بۆ گریان[/size]